Aımaqtar • 20 Mamyr, 2022

Mańǵystaýda 10 mekteptiń dırektory aıyppul tóledi

31 ret kórsetildi

Mańǵystaýda 10 bilim mekemesiniń basshylaryna aıyppul salyndy, dep habarlaıdy Egemen.kz.

Mańǵystaý oblysynda 10 bilim uıymynyń basshysy kásipkerlik qyzmetpen aınalysyp, zań buzýshylyqtarǵa jol berdi. Ákimshilik quqyq buzýshylyq kodeksiniń 154-baby boıynsha is qozǵalyp, kináliler aıyppul tóledi.

О́ńirde osy uqsas quqyq buzýshylyqtardyń aldyn alý maqsatynda sybaılas jemqorlyqqa qarsy qyzmettiń Mańǵystaý oblysy boıynsha departamenti bilim mekemeleriniń basshylaryna sybaılas jemqorlyqqa qarsy shekteýlerdi túsindirdi.

«Sybaılas jemqorlyqqa qarsy is-qımyl týraly» zańda memlekettik laýazymdy atqaratyn jáne memlekettik fýnksııalardy oryndaýǵa ýákilettik berilgen adamdarǵa kásipkerlik qyzmetpen aınalysýǵa tyıym salynǵan. Búgingi kúni mektep dırektorlarynyń arasynda kásipkerlikpen aınalysqan tulǵalar anyqtalyp otyr. Sondyqtan búgingi kezdesýdiń maqsaty - sybaılas jemqorlyqqa qarsy shekteýlerdi qaıta túsindirý», dedi Mańǵystaý oblysy boıynsha Sybaılas jemqorlyqqa qarsy qyzmet departamenti prevensııa basqarmasynyń basshysy Qaırat Báıgebaev.

Spıker memlekettik organdardyń basshylary ózderine baǵynysty mekeme basshylaryn taǵaıyndaý kezinde olardan aktıvteri men mindetteri týraly deklarasııa qabyldaýy shart ekenin aıtty.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar