Aımaqtar • 22 Mamyr, 2022

Qaraǵandy oblysynda 100-den astam otbasy baspanamen qamtylmaq

16 ret kórsetildi

Qaraǵandy oblysynyń Osakarovka aýylynda bıyl 18 páterli alty turǵyn úı paıdalanýǵa berilmek. О́ńirde osylaısha 108 otbasyn baspanamen qamtamasyz etý josparlanǵan, dep habarlaıdy Egemen.kz.

Bul úılerdiń qurylysy 2020 jyly bastalǵan. Qurylys materıaldarynyń qymbattaýyna baılanysty, úılerdi salý jumystarynyń joba-smetalyq qujattary túzetilip, nysandardy iske qosý bıylǵy jylǵa shegerildi.

Osakarov aýdanynyń ákimi Nurken Qobjanovtyń aıtýynsha, bıyl Suńqar aýylyndaǵy sý munarasyn aýystyryp, Pıonerskoe, Ozernoe jáne Eraly aýyldarynda sý qubyry jelileriniń qurylysy sııaqty iri jobalardy júzege asyrý josparlanyp otyr.

Aýdanda Osakarovka jáne Nıkolaevka aýyldarynda sý qubyry jelileri qurylysynyń jobasy ázirlendi. Bıyl Telmanskoe jáne Kolhoznoe aýyldaryna sý qubyry jelilerin tartýǵa JSQ ázirlenedi.

Aýdannyń jylýmen qamtý júıeleri de erekshe baqylaýda. Molodıojnyı jáne Osakarovka eldi mekenderine qazandyq satyp alý, sondaı-aq Molodıojnyıdaǵy jylý trassasyn jóndeý josparlanyp otyr.

«Aýdannyń damýynda densaýlyq saqtaý júıesiniń tabysty jumys isteýi mańyzdy. Osy rette bıyl Ozernyı kentinde feldsherlik-akýsherlik pýnkt salynbaq. «Aýyl – El besigi» arnaıy jobasy boıynsha Molodıojnyıdaǵy sport kesheninde kúrdeli jóndeý jumystary jalǵasýda. Osakarovkadaǵy № 12 mektepti kúrdeli jóndeýden ótkizý jáne Ýyzbaı jáne Sadovoe aýyldaryndaǵy eki mekteptiń jylý qazandyǵyn alyp tastaý josparlanýda», dedi aýdan basshysy.

Aıana Toǵanbek

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar