Bilim • 22 Mamyr, 2022

Oqýshylar antıseptık shashatyn robot oılap tapty

42 ret kórsetildi

О́skemen qalasynda bıylǵy Balalar jylyna oraı oqýshylar men stýdentter arasynda IT-festıval ótti, dep habarlaıdy Egemen.kz.

«New generation» dep atalatyn festıvalde oblystyń túkpir-túkpirinen mektep oqýshylary men kolledj, ýnıversıtet stýdentteri qatysty. Bilim salasyndaǵy aýqymdy IT-kórmede balalar men jastar óz jobalaryn kórsetip, oı-pikir, tájirıbe almasty.

«Búgin festıvalde óz jobamyzdy – antıseptık shashatyn robotty usynyp otyrmyz. Ol datchık arqyly jumys isteıdi, qazaq tilinde erkin sóıleıdi jáne koronavırýs ınfeksııasynyń aldyn alý týraly nusqaýlar beredi. Qazir bul robotty mektebimizge ornatyp qoıdyq», deıdi O.Bókeı atyndaǵy №44 lıseı-mektebiniń oqýshylary Dilnaz Nábıolda jáne Dııas Ermuhanbetov.

Qatysýshylar 6 baǵyt boıynsha óz jumystaryn usyndy, atap aıtqanda «Kids Skills», «Maker Fest», «Junior Skills», «Startup-jobalar», «Robotime», «ClusterPro». Olardyń ishinde qaýipsizdikti uıymdastyrýǵa, oıyn oınaýǵa, oqytýǵa qatysty joba jasaǵandar boldy.

Festıval barysynda ǵylymı oıyn-saýyq alańy usynyldy. Munda kelýshiler zamanaýı tehnologııalar salasyndaǵy sońǵy jetistiktermen tanysýǵa múmkindik aldy.

Aıana Toǵanbek

Sońǵy jańalyqtar

Dollar arzandady

Qarjy • Keshe

Uqsas jańalyqtar