Qazaqstan • 23 Mamyr, 2022

«Capital Bank Kazakhstan» AQ salymshylaryna kepildi ótem tóleý merziminiń aıaqtalatyndyǵy týraly

14 ret kórsetildi

Qazaqstannyń depozıtterge kepildik berý qory (QDKBQ) «Capital Bank Kazakhstan» AQ salymshylaryna kepildik berilgen ótemdi tóleý – sońǵy kúnin qosa alǵanda 2022 jyldyń 3 shildesine deıin júzege asyrylatyndyǵyn habarlaıdy.

Atalǵan banktiń salymshylary kepildik berilgen depozıtter boıynsha ótem somalaryn «Eýrazııalyq bank» AQ agent bankiniń bólimsheleri arqyly jáne onlaın túrinde ala alady.

«Onlaın ótinishti Qor tólemderiniń elek­trondy portaly arqyly jyldam berýge bolady. Sondaı-aq munda tólenýge jatatyn somany jáne ótinishtiń oryndalý barysyn qada­ǵalaýǵa múmkindik bar. Onlaın ótinish berý úshin salymshynyń elektrondy sıfrlyq qol­tań­basynyń ózekti kilti (ESQ) bolýy shart. Ári qaraı beıne-tekserýden ótý qajet. Bul rette SMS-kodty alý úshin salymshylar uıaly telefondaryn mobıldi azamattar bazasyna tirkeýi kerek. О́tinishti onlaın berý boıynsha tolyq nusqaýlyq QDKBQ saıtynda qoljetimdi», dedi QDKBQ tóraǵasy Ádil О́tembaev.

Atap aıtý kerek, ótinishti onlaın berý bank shottarynyń, tólem kartochkalary men salymdardyń ıelerine ǵana qoljetimdi. Sáı­kesinshe salymshynyń (senimhat boıynsha) zańdy ókilderi, muragerleri nemese basqa da quqyq ıelenýshileri tikeleı agent bankke júginedi. Bul rette QDKBQ saıtynda orna­las­tyrylǵan tizimge sáıkes rastaýshy qujat­tardy usynady.

Kepildik berilgen ótemdi tóleý merzimi (2022 jyldyń 3 shildesi) aıaqtalǵan soń, «Capital Bank Kazakhstan» AQ salymshylarynyń talap etpegen somalary olardyń Biryńǵaı jınaqtaýshy zeınetaqy qorynda (BJZQ) ashylǵan jeke zeınetaqy shottaryna erikti zeınetaqy jarnalary retinde aýdarylady. О́tem aqshany aýdarý «Qazaqstan Respýblıkasynyń ekinshi deńgeıdegi bankterinde ornalastyrylǵan depozıtterge mindetti kepildik berý týraly» Zańǵa sáıkes tólem merzimi aıaqtalǵan kúnnen bastap kúntizbelik 30 kún ishinde, ıaǵnı sońǵy kúnin qosa alǵanda 2022 jyldyń 2 tamyzyna deıin júzege asyrylady.

«Dáleldi sebeptermen 2022 jyldyń 3 shil­de­sine deıin ótem alýǵa ótinish berip úl­ger­megen, onyń ishinde talap etpegen aq­sha­lary BJZQ-ǵa aýdarylǵan salymshylar jazbasha ótinishti tikeleı Qorǵa berý arqyly ótem somalaryn alýǵa quqyly. Olardyń qolynda dáleldi sebepterin rastaıtyn qu­jattary bolýy qajet. Dáleldi sebepterdiń tizimi «Qazaqstan Respýblıkasynyń ekinshi deńgeıdegi bankterinde ornalastyrylǵan depozıtterge mindetti kepildik berý týraly» Zańda qarastyrylǵan», dedi Ádil О́tembaev.

Tolyqqandy aqparatty kdif.kz saıtyndaǵy 1460 tegin nómirine qońyraý shalý arqyly bilýge bolady. Sonymen qatar saýaldardy [email protected] poshtasyna joldaýǵa nemese @kdif_ask Telegram-chatyna suraq qoıýǵa múmkindik bar.

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar