Is-sharany «Damý» kásipkerlikti damytý qory» AQ uıymdastyrǵan.
Kórmede azyq-túlik, qurylys, jıhaz jáne toqyma ónerkásibiniń, aýyl sharýashylyǵynyń 350 kompanııasy, mamandandyrylǵan tehnıka men jabdyqtar, kádesyı jáne polıgrafııalyq ónim óndirýshiler tanystyryldy. Olar elorda turǵyndary men qonaqtaryna óz ónimderin kórsetti. Is-shara aıasynda «Halyq Tańdaýy» táýelsiz degýstasııalyq konkýrsy, qazaqstandyq jetekshi óndirýshilerdiń áıelder jáne erler kıimderiniń toptamalary uıymdastyryldy. Sol sııaqty kórme qatysýshylary arasynda kúndelikti utys oıyndary ótkizildi.
«Ulttyq Onim kórme-jármeńkesin «Damý» kásipkerlikti damytý qory Nur-Sultan qalasy ákimdiginiń qoldaýymen uıymdastyrdy. Onyń negizgi ıdeıasy – Qazaqstanda óndirilgen ónimderdi damytý. Is-sharaǵa ekonomıkamyzdyń túrli salalarynda ónim óndiretin 350-den astam kásiporyn qatysty. Onyń ishinde 45-ten astamy – bizdiń ekonomıkamyzdyń 8 salasynyń ókili bolyp sanalatyn Nur-Sultan qalasynyń kásiporyndary, sondaı-aq ulttyq ónimderimizdi damytatyn qolónershiler. Bul alań otandyq ónimderdi damytý úshin óte paıdaly, ony halyq arasynda tanymal etý úshin, bul da óte mańyzdy, sondaı-aq odan ári eksportqa baǵyttalý úshin de mańyzdy», dedi Nur-Sultan qalasynyń Investısııalar jáne kásipkerlikti damytý basqarmasynyń basshysy Erjan Baltaev.
«Fabrıka 2011 jyly qurylǵan. Biz úshin taý-ken ónerkásibine daǵdylanǵan aıaq kıimder óndiremiz. Kórme bizdiń óndiristi ulǵaıtýǵa, oblys aýmaǵynan tys joǵary deńgeıge shyǵýǵa úlken múmkindik beredi. Jurt bizdiń ne óndiretinimizdi bilý úshin mundaı kórmelerden qalmaı, qatysýǵa tyrysamyz», dedi Qaraǵandy aıaq kıim fabrıkasynyń qyzmetkeri Rýstam Talasbekov.
