Qazaqstan • 23 Mamyr, 2022

Qazaqstandyq delegasııa Ortalyq Azııa jastar forýmyna qatysty

24 ret kórsetildi

Aqparat jáne qoǵamdyq damý vıse-mınıstri Aleksandr Danılov bastaǵan Qazaqstandyq delegasııa О́zbekstan Respýblıkasynyń Tashkent qalasynda ótken Ortalyq Azııa jastar forýmyna qatysty, dep habarlaıdy Egemen.kz AQDM baspasóz qyzmetine silteme jasap.

Forým О́zbekstan Respýblıkasynyń bastamasymen Ortalyq Azııa memleketteri basshylarynyń úshinshi Konsýltatıvtik kezdesýinde О́zbekstan Prezıdentiniń usynýymen (6 tamyz, 2021 j., Túrikmenstan) jáne О́zbekstandaǵy Qazaqstan Respýblıkasy elshiliginiń qoldaýymen uıymdastyryldy.

Forýmǵa Qazaqstan Respýblıkasy atynan QR Prezıdenti janyndaǵy Jastar saıasaty jónindegi keńes músheleri, «Táýelsizdik urpaqtary» grantynyń jáne túrli ǵylymı olımpıadalardyń jeńimpazdary, Prezıdenttik jastar kadrlyq rezerviniń, Qazaqstan jastar uıymdarynyń jáne Qazaqstan halqy Assambleıasynyń ókilderi, jas ǵalymdar, IT mamandar men grossmeısterler qatysty.

Halyqaralyq forým barysynda: jastarǵa arnalǵan áleýmettik mańyzy bar jobalar men baǵdarlamalardy odan ári iske asyrý, mádenı-gýmanıtarlyq salany damytý úshin Ortalyq Azııa óńiri elderiniń zııatkerlik jastar elıtasy men aqparattyq tehnologııalar sektory, jastar uıymdary ókilderi arasyndaǵy aımaqaralyq ózara is-qımyldy arttyrý jáne nyǵaıtý máseleleri; sondaı-aq Ortalyq Azııa elderi arasyndaǵy baýyrlastyq, dostyq qarym-qatynasty nyǵaıtý máseleleri talqylandy.

Aqparat jáne qoǵamdyq damý vıse-mınıstri A.Danılov quttyqtaý sózinde, Qazaqstan halyqaralyq seriktestermen, sonyń ishinde jastar qozǵalysynyń ókilderimen yntymaqtastyqty joǵary baǵalaıtynyn atap ótti.

– Biz óz elimizdi, ekonomıkany, áleýmettik salany damytý, otandastarymyzdyń ál-aýqatyn nyǵaıtý úshin barynsha qolaıly jaǵdaı jasaýdy kózdep otyrmyz. Sondyqtan osy forým ǵylymı-tehnıkalyq yntymaqtastyqty jandandyrýǵa yqpal etetin jáne birlesken jobalardy damytý men iske asyrý úshin jaǵdaı jasaıtyn tıimdi kommýnıkasııalyq alańǵa aınalady dep oılaımyn, – dedi A.Danılov.

Qazaqstan jastarynan basqa, atalǵan forýmǵa О́zbekstan Respýblıkasy, Qyrǵyz Respýblıkasy, Tájikstan Respýblıkasy jáne Túrikmenstannyń úzdik jastary qatysty.

Forým qorytyndysy boıynsha, memleket basshylarynyń kezekti Konsýltatıvtik kezdesýi barysynda Ortalyq Azııa óńirindegi halyqaralyq jastar yntymaqtastyǵyn odan ári nyǵaıtý boıynsha birqatar usynys engizý jáne Ortalyq Azııa elderiniń zııatkerlik jastary qoǵamdastyǵyn qurý jospary qarastyryldy.

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Uqsas jańalyqtar