Prezıdent • 23 Mamyr, 2022

Prezıdent Indýstrııa jáne ınfraqurylymdyq damý mınıstrin qabyldady

40 ret kórsetildi

Prezıdent Indýstrııa jáne ınfraqurylymdyq damý mınıstri Qaıyrbek О́skenbaevty qabyldady, dep habarlaıdy Egemen.kz.

Memleket basshysyna mınıstrliktiń jyl basynan beri atqarǵan jumystary týraly egjeı-tegjeıli esep berildi.

Prezıdentke qańtar oqıǵasy kezinde zardap shekken nysandardy qalpyna keltirý úshin qabyldanǵan sharalar týraly baıandaldy. Mınıstrlik sońǵy 3 jylda paıdalanýǵa berilgen turǵyn úılerge tekseris júrgizip, statıstıkalyq derekterdi anyqtady. Básekelestikti qorǵaý jáne damytý agenttigimen birlesip, qurylys naryǵyn monopolııadan aryltý jáne onyń básekege qabilettiligin arttyrý jóninde sharalar toptamasyn ázirledi. Sondaı-aq baspanasy joq, jaǵdaıy nashar azamattardy qoldaýǵa baǵyttalǵan jańa memlekettik turǵyn úı baǵdarlamasy iske qosyldy. Búginge deıin atalǵan baǵdarlama boıynsha 2,5 myń ótinim maquldandy.

Mınıstrdiń aıtýynsha, ónerkásip salasynda ımport almastyrýǵa baǵyttalǵan 700 mańyzdy ınvestısııalyq joba daıarlanǵan. Arnaýly ekonomıkalyq aımaqtar jumysynyń tıimdiligin arttyrý jóninde sheshimder qabyldanǵan. Paıdaly qazbalar ken oryndarynyń bárine tekseris júrgizilgen. Qazirgi ýaqytta 118 lısenzııanyń qyzmeti toqtatylǵan. 57 kelisimshart úzilgen. Jer qoınaýyn paıdalanýshylarǵa olqylyqtardy joıý úshin 73 eskertpe joldanǵan. Taý-ken jáne metallýrgııalyq kásiporyndarmen birlesip, orta jáne joǵarǵy shekteýli óńdeýshi ónimder óndirisin órkendetý úshin keshendi sharalar ázirlengen.

Sonymen qatar mınıstrlik elimizdiń tranzıttik áleýetin arttyrý jáne keden logıstıkasy salasyna iri halyqaralyq kompanııalardy tartý úshin aýqymdy jumystar júrgizdi.

Qaıyrbek О́skenbaev respýblıkalyq mańyzy bar avtojoldardy jańǵyrtý, jóndeý jáne salý jumystaryna da arnaıy toqtaldy.

Prezıdent elimizdiń kúre joldary qurylysyna qatysty máseleniń strategııalyq mańyzy bar ekenin atap ótip, onyń aıryqsha baqylaýda bolatynyn eske saldy. Sonymen qatar Qasym-Jomart Toqaev kórshiles memlekettermen ekonomıkalyq yntymaqtastyqty damytý qajet ekenine nazar aýdaryp, mınıstrge birqatar naqty tapsyrma berdi.

 

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Uqsas jańalyqtar