Qazaqstan • 24 Mamyr, 2022

Jarqyn beınesi jadymyzdan óshpeıdi

18 ret kórsetildi

О́tip bara jatqan ýaqyt-aı! Osydan biraz jyl buryn halqymyzdyń adal da aıaýly perzentteriniń biri – Baýyrjan Ysqaquly Elýbaevpen qaýipsizdik organynda birge qyzmet ettik. Sol ýaqytta onyń ómirge, Otanǵa degen kózqarasyn joǵary baǵaladym. Otandy súıý, dostardy, joldastardy qadirleý sııaqty adamgershilik qasıetteriniń bıik ekenine kózim jetti.

Ol eń áýeli elimizge, Otanymyzǵa adal azamat boldy. Sondyqtan ás­k­e­rı-qaýipsizdik sala­syn­daǵy qyzmetine de adal edi. Sodan keıin ja­qyndaryna, joldas­taryna, birge júrgen árip­testerine adaldyq ta­nytty. Adamnyń adamı qasıetteri kúndelikti ómirde qalaı jáne kimmen birge júrgeninen, qandaı jetistikterge jetkeninen kórinedi. Birge qyzmet istegennen keıin kimniń qandaı adam ekenin bi­lemiz. Men Baýyrjan Ys­qaqulymen birge qyz­met etken biraz jylda onyń otanshyl azamat ekenin, Otanyn qa­laı qurmetteıtinin, qaster­leıtinin, súıetinin bildim.

Ulttyq qaýipsizdik ko­mıtetinde isteıtin adam­nyń eń basty boryshy – Otanǵa adal qyzmet etý jáne onyń qaýipsizdigin saqtaý. Osy turǵydan al­ǵanda kúndelikti ómi­ri, qyzmettegi ustanymy arqyly Baýyrjan Ys­qaq­ulynyń adaldyǵyna kózim jetti. Sol adaldyǵy men bilimi, aqyly men tá­jirıbesi arqyly qara­paıym qyzmetkerden ge­n­eral-maıorǵa deıin ós­ti, úlken qyzmetterdi at­qar­dy. Ol birge jumys isteıtin adamdardyń bárine birdeı qaraıtyn. Mynaý meniń jerlesim, týysym dep bólekteýdi bilmeıtin. Adaldyǵy árbir isinen kórinip turatyn.

Boıyndaǵy asyl qa­sıet­teriniń arqasynda ol Ulttyq qaýipsizdik ko­­mıteti Tóraǵasynyń oryn­basarlyǵyna deıin jetti. Bul bıik laýa­zym­ǵa bir emes, eki ret ta­ǵaıyndaldy.

Qaýipsizdik qyzmeti aıtýǵa ǵana ońaı. Onyń jaýapkershiligi aýyr. Son­daı jaýapkershilikti kótere bilgen azamat ómir­diń barlyq syny­na shydaı alady. Baýyr­jan Ysqaqulynyń jumy­synda jaǵymsyz jaǵdaı da, qatelik te bolǵan emes. Jáne onyń atyna «ju­mysyn oryndamady, nashar oryndady» degen sııaqty syn da aıtylmaıtyn. О́ıtkeni onyń bilimi men tájirıbesi mol, óz min­detin jaqsy biletin edi.

Baýkeńniń urpaqtaryn da bilemin, olar kóz aldymyzda ósti. О́ıtkeni Baýyrjan Ysqaquly ekeýimiz sonaý sekseninshi jyldardan beri otbasymyzben aralastyq. Qyz­met babynda ǵana emes, kúndelikti ómirde de jaq­­­sy qarym-qatynasta bol­dyq. Sol arqyly men onyń úlken azamat ekenin, elin, halqyn erek­she súıe­tinin tanydym. Ol jurt­shylyqtyń, qyzmet­tes joldastarynyń ortasynda zor abyroı-bedelge ıe edi.

О́kinishke qaraı, 2016 jyly Baýkeńniń jan serigi, balalarynyń anasy dúnıeden ozǵan edi. Ol sol aýyr qaıǵysyn qaıyspaı kótere bildi. Sebebi ol ómir zańyn túsinetin.

Ýaqyt zymyrap ótip barady. Baýyrjan Ys­qaq­ulynyń dúnıeden ozǵa­­nyna da jyl tolǵan eken. Biraq onyń jarqyn beı­nesi bizdiń jadymyzdan óshken joq, eshqashan ósh­peıdi de.

Osyndaı orny bólek asyl azamattyń ómirden erte ketkeni ókinishti. Mar­­qum­nyń aldy jaryq bolsyn.

 

Sát TOQPAQBAEV,

otstavkadaǵy general-polkovnık

Sońǵy jańalyqtar

Dollar arzandady

Qarjy • Keshe

Uqsas jańalyqtar