Ǵylym • 24 Mamyr, 2022

UBT-nyń alǵashqy aptasynda 21 túlektiń nátıjesi joıyldy

45 ret kórsetildi

Ulttyq biryńǵaı testileýdiń birinshi aptasynda 21 ereje buzýshylyq anyqtalyp, nátıjeler joqqa shyǵaryldy. Bul týraly Ulttyq testileý ortalyǵynyń dırektory Rýslan Emelbaev áleýmettik jelidegi paraqshasynda jazdy, dep habarlaıdy Egemen.kz.

Onyń aıtýynsha, ótken aptada testileý kezinde erejelerdi buzǵany úshin aýdıtorııadan barlyǵy 21 adam shyǵarylyp, olardyń nátıjeleri joıyldy.

«Biz UBT-daǵy árbir joǵary nátıjeni tekseremiz», dedi ol.

Sonymen qatar ol joǵary nátıje kórsetken talapkerlerdi qaıta baqylaý barysynda erekshe nazarǵa túsken testilenýshige toqtady.

«Test tapsyrýshy qańtar aıynda 7️2 ball, al negizgi UBT-da 1️30 ball jınaǵan. Nátıjesi birden 5️8 balǵa ósken, sondyqtan biz qosymsha kúsheıtilgen baqylaýdy ótkizýdi jón kórdik», dedi ortalyq dırektory.

Beınejazbalardy tekserý barysynda talapkerdiń UBT erejelerin buzǵandyǵy belgili boldy. Ol testileý barysynda beınekamera men mını qulaqqap qoldanǵan. Osyǵan jol bergen qyzmetshi testileýden shettetildi. Qyzmettik tekseris júrgizilip, tıisti shara qoldanylady. Al test tapsyrýshynyń nátıjeleri joıyldy. Endi ol ekinshi múmkindigin qoldana almaıdy.

«Dostar, júıeni aldaýǵa tyrysýdyń qajeti joq. Jaýapkershilikten eshkim qutyla almaıdy.Taǵy da sizderdi akademııalyq adaldyqty saqtaýǵa shaqyramyn. Al biz baqylaýdy odan ári kúsheıtetin bolamyz», dep jazdy ol.
Sońǵy jańalyqtar

Dollar arzandady

Qarjy • Keshe

Uqsas jańalyqtar