Qalalyq polısııa departamentiniń málimetinshe, túngi saǵat 21:45-te Táýke han dańǵyly boıyndaǵy ǵımarattardyń birinde órt shyqqany týraly habarlama túsken.
Oqıǵa ornyna kelgen órt sóndirýshiler bos turǵan eki qabatty ǵımarattyń birinshi qabatynda aǵash jabyndysy otqa oranǵanyn anyqtaǵan. Jalyn 200 sharshy metr aýmaqty sharpyp ketken.
«Ǵımarattyń birinshi qabatyndaǵy órt 22.17-de oqshaýlanyp, 22.27-de tolyq sóndirildi. О́rtti sóndirý kezinde tabylǵan máıittiń jeke basy anyqtalý ústinde. О́rttiń shyǵý sebebin Shymkent polısııasy anyqtap jatyr», delingen habarlamada.
