Baǵdarlama erejesi Úkimettiń Qaýylysymen 15 sáýirde bekitildi. Qazaqstan avtobıznes qaýymdastyǵynyń baspasóz qyzmetiniń málimetinshe, 25 mamyrdaǵy tańǵy jaǵdaı boıynsha jeńildetilgen avtonesıe alýǵa 16 224 ótinish qabyldanǵan. Onyń 5413-i bekitilgen.
Qazaqstanda jeńildetilgen avtonesıe 2022 jyldyń 16 mamyrynan bastap ótinim qabyldaý bastaldy. Tórt bank Indýstrııalyq damý qorynan ruqsat aldy. 19 mamyrdan bastap jeńildetilgen avtonesıe baǵdarlamasy boıynsha azamattar tarapynan túsken ótinimderdi «Eýrazııalyq bank», «Bank Sentr Kredıt» jáne «Halyk Bank» qabyldaýda.
Janar Ibrasheva azamattardyń ótinishteriniń qorytyndysy boıynsha ekinshi deńgeıli bankterge tólem jasaý úshin shot-faktýrany usyný úshin avtokóliktiń VIN kody bolýy talaby joıylǵanyn atap ótti.
Mamyrdyń 23-i kúni «Indýstrııalyq damý qory» AQ basqarma tóraǵasynyń orynbasary Janar Ibrasheva baǵdarlama bastalǵaly beri jeńildetilgen avtonesıe boıynsha 34 avtokólik satyp alynǵanyn aıtty. Baǵdarlama boıynsha alynǵan avtokólik ıeleri baǵaly jyljymaly múlkin nesıeleýdiń búkil merzimi kezeńinde biryńǵaı avanstyq tólemaqy arqyly emes, jeńildetilgen nesıeni paıdalanǵan árbir jylǵa oraı saqtandyra alady.
Gúldana Elýbaı
