Oqıǵa Abadan qalasynyń Telenjı Emırı kvartalynda salynyp jatqan «Abadan Metropol» iskerlik ortalyǵynda bolǵan. Iran Islam Respýblıkasynyń Tótenshe jaǵdaılar departamentiniń ókili Mýdjteba Halıdıdiń málimetinshe, qaza tapqandardyń sany 14-ke, al jaraqat alǵandardyń qatary 32-ge jetti. Qırandynyń astynda 80 adam bolýy múmkin degen boljam bar.
Qazirgi ýaqytta oqıǵa ornynda birneshe qutqarý jáne órt sóndirý bólimsheleri, sondaı-aq dárigerler jumys isteýde. Bılik taǵy 50-ge jýyq qutqarýshylar tobyn, sondaı-aq zardap shekkenderdi aýrýhanaǵa evakýasııalaý úshin tikushaqty da jumyldyrdy.
Polısııa qyzmetkerleri apatqa qatysy bar degen 8 kúdiktini qamaýǵa aldy. Oqıǵa sebebi anyqtalýda.
Saltanat Kenjebaı
