BILIM BERÝ JÁNE ÁLEMDIK ÁDIS-TÁSILDER

Taldyqorǵan qalasynda I.Jan­­­súgirov atyndaǵy Jetisý mem­lekettik ýnıversıtetinde “Bolon prosesindegi akademııalyq utqyr­lyq” degen atpen halyqara­lyq jıyn ótti. Halyqaralyq semınardy Bi­lim jáne ǵylym mınıstrligi uıym­das­tyryp, onyń jumysyna atalǵan mı­­nıstrliktiń, Ulttyq akkredıta­sııalaý ortalyǵynyń, kvalıfıka­sııa taǵaıyndaý jónin­degi res­pýblıkalyq ǵylymı-ádis­temelik ortalyqtyń jáne sheteldik oqý oryndarynyń rektor­lary men oqytýshylary qatysyp, saladaǵy bedeldi qadr daıarlaý men bilim sapasynyń joǵary stan­dart­taryna jetý jónindegi oılary men tájirı­belerin ortaǵa saldy. Plenarlyq májilistegi “Aka­de­­mııalyq utqyrlyq joǵary bilim sapasyn qamtamasyz etýdiń ma­ńyz­­dy faktory” degen taqyryp­ta baıandama jasaǵan Bilim jáne ǵylym mınıstri Janseıit Túıme­baev Bolon prosesine qatysýshy elderdiń qataryna qabyldaný elimiz úshin mańyzdy shara eken­digine basa nazar aýdardy. Bilim salasynyń mamandary bas qosqan jıynda oblys ákimi Serik Úmbetov sóz sóılep, jıyn jumy­syna sáttilik tiledi. Jalpy joǵary bilim sapasyn arttyrýǵa jáne elimizdegi oqý orny túlek­teri­­n­iń halyqaralyq eńbek nary­ǵyndaǵy básekege qabi­letti­ligin damytýǵa septigin tıgizetin uly Har­tııaǵa qol qoıǵan bilim orda­la­ry­­nyń qataryna Jetisý memle­ket­tik ýnıversıtetiniń qosy­lýy da aıtý­ly qýanysh desek, osy oqý ornynyń rektory Ábdimanap Bek­turǵanov álemdik bilim keńis­ti­gine jol ashatyn Bolon dekla­ra­sııasy ujymǵa zor mindetter júk­teıtin­digin atap ótti. Bul qa­zaq­standyq jáne sheteldik joǵa­ry oqý oryn­darynyń stý­dent­teri men oqy­­tý­­shy­laryna akademııa­lyq utqyr­lyq­ty odan ári damy­tý­­daǵy uıymdas­tyrýshylyq keńes berý men qol­daý­ǵa baǵyttalǵan­dyǵyn ortaǵa saldy. Jıyn jumysyna ýnıversı­tet­­ter Uly hartııasy observa­torııa­sy­nyń bas hatshysy Bas­tıan Baý­ma­nn (Ita­lııa), Eýropa­lyq stý­dent­ter oda­ǵy komıtetiniń úılestirý­shisi Bert Van­­denken­delare (Bel­gııa), ASQUIN ak­kredıtasııa­laý agent­tigi­niń tór­aǵasy Sımmerman Gerd Karl Valter, ASQUIN ak­kre­dıta­sııalaý agenttigi­niń mened­jer­leri Magda­lena Lıb jáne Bar­bara Raıt­maıer, saýda pa­la­tasy­­nyń tór­aǵasy Fel­ner Ha­rald Karl (Ger­ma­nııa), Bolon ýnı­ver­sıteti­niń professory Massı­mo Bıan­kı, Batys Anglııa ýnıversı­teti­niń halyq­aralyq damý jónin­degi úı­les­tirýshisi Aleks Grın, Batys Ang­lııa ýnıversıte­tiniń pro­fessory Ole­na Doren, Batys Ang­lııa ýnıver­sıtetiniń qoldan­baly ǵy­lymynyń jetekshisi Pıter Spenser Fılıps (Uly­­brı­tanııa), Sibir Fede­­raldy ýnı­­­ver­­­sıtetiniń eýropa­lyq baǵ­­­­­da­r­­­­­­la­­­ma­­­lar jónin­degi je­tek­shisi L.Ma­ıorova (Re­seı) atsa­ly­syp, búgingi jahan­daný kezindegi joǵary kásibı bilim deń­geıin kóterý jó­nindegi tájirı­be­leri­men bólisip, maqsat-múdde­lerin anyqtady. Úsh kúnge sozylǵan máslı­hatqa qa­tys­qan qazaqstandyq jáne she­tel­­dik ǵalymdar básekege qabiletti bilim berýdiń álemdik ádis-tásilin qa­ras­tyryp, tájirı­belerimen bólisti. Kúmisjan BAIJAN, Almaty oblysy.