Prezıdent • 26 Mamyr, 2022

Memleket basshysy Bishkekte Abaı eskertkishiniń ashylý rásimine qatysty

66 ret kórsetildi

Qasym-Jomart Toqaev pen Sadyr Japarov Qyrǵyzstan astanasyndaǵy «Teatr» gúlzarynyń ortalyq alleıasyna qoıylǵan Uly Abaı eskertkishiniń ashylý saltanatyna qatysty, dep habarlaıdy Egemen.kz Aqordanyń resmı saıtyna silteme jasap.

Memleket basshysy bul kúndi qazaq pen qyrǵyzdyń rýhanı ómirindegi erekshe kún retinde baǵalap, Bishkek tórinde Abaı eskertkishiniń boı kóterýin qyrǵyz eliniń qazaq halqyna degen aıryqsha qurmetiniń belgisi dep atap ótti.  

ı

Qasym-Jomart Toqaev osy ıgi bastamaǵa qoldaý kórsetkeni úshin Sadyr Japarovqa zor rızashylyǵyn bildirip, bul qadam Alataýdyń bókterin qatar jaılaǵan eki eldiń baýyrlastyǵyn bekemdeı túsetinin aıtty.

«Aǵaıyn elderdiń tamyrlastyǵyn kezinde Abaı da aıtqan. Uly aqyn qazaqtyń tarıhyna toqtalǵan kezde qyrǵyz baýyrlardy erekshe atap ótken. Ol «Esh qazaq qyrǵyz ben qazaqtyń bir tuqymdas ekenine talaspaıdy» degen. Shyn máninde, eki ulttyń tegi men tili bir, júregi men tilegi bir. Aıyr qalpaqty aǵaıynǵa bizdiń yqylasymyz qashanda erekshe. Kóp uzamaı elimizde Manas eskertkishi boı kóteredi. Bul esim qazaq arasynda óte tanymal. Áıgili Manasqa qurmetimiz erekshe. Manastaný ǵylymynyń negizin qalaǵan Shoqan Ýálıhanov ekenin eske salǵym keledi. «Manas» jyrynyń taǵdyry tartysqa túsken kezde oǵan Muhtar Áýezov arasha túskenin bilemiz», dedi Qazaqstan Prezıdenti.

ı 

Qasym-Jomart Toqaev osynyń bárin bir-birimizge degen janashyrlyq pen tilektestiktiń kórinisi dep atap ótip, eki eldiń baýyrlastyǵy men dostyǵy eshqashan myzǵymaıtynyna senim bildirdi. Sondaı-aq qyrǵyz halqyna baq-bereke tiledi.

Sadyr Japarov sóılegen sózinde osy kúndi qyrǵyz-qazaq úshin mańyzdy kún dep atap ótti.

«Fılosof, gýmanıst tulǵa, qazaqtyń uly aqyny Abaıǵa Bishkek qalasynda qoıylǵan eskertkishtiń ashylýymen barshańyzdy quttyqtaımyn. Eki elge ortaq tulǵaǵa dıplomatııamyzdyń 30 jyldyǵy qarsańynda qurmet kórsetilip otyrǵany – erekshe oqıǵa. Jazda jaılaýy, qysta qystaýy qońsy qonǵan eki halyqtyń rýhanı áleminiń jaqyndyǵyn Abaı men Toqtoǵuldyń, Muhtar men Shyńǵystyń muralary kórsetip keledi. Abaıdyń 175 jyldyǵy kezinde Ulttyq kitaphanadan arnaıy mádenı burysh ashylǵanyn da eske salǵym keledi. Bizdiń baýyrlas qazaq halqymen dostyǵymyz barlyq salada damı beretinine senemin», dedi Qyrǵyzstan Prezıdenti.  

ı

Budan keıin Memleket basshysy Qasym-Jomart Toqaev eskertkishtiń ashylýyna jınalǵan eki eldiń zııaly qaýym ókilderimen kezdesip, pikir almasty. 

 

Aıana Toǵanbek

Sońǵy jańalyqtar

Agrosalada ilkimdi ister kóp

Aımaqtar • Keshe

«Aıqaıdyń» astary

О́ner • Keshe

Baıron uıyǵy

Ádebıet • Keshe

Berikqara shatqalyndaǵy baılyq

Ekologııa • Keshe

Qasteev qazynalary

О́ner • Keshe

«Balapan qazdyń» tarıhy

О́ner • Keshe

Abaı kúni atalyp ótti

Abaı • Keshe

Kún gúli

Tanym • Keshe

Uqsas jańalyqtar