Sport • 26 Mamyr, 2022

Balǵyn sportshylar «Mınıstr kýbogyn» sarapqa saldy

21 ret kórsetildi

Elordadaǵy Jaqsylyq Úshkempirov atyndaǵy jek­­pe-jek saraıynda Má­denıet jáne sport mı­­nıs­triniń kýbogyna arnalǵan alǵashqy iri týrnırdiń fı­naldyq ke­zeńi ótti. Qa­zaqtyń dańq­ty balýany, Más­keý Olımpıadasy chem­pıo­nynyń esimi berilgen záýlim sport kesheninde elimizdiń olımpıadalyq sport ınternattary men kolledjderiniń 2006-2007 jyldary týǵan jasóspirim sportshylary eki kún boıy jankúıerlerge tamasha sporttyq merekeni usyndy.

Memleket basshysy Qasym-Jomart Toqaev 2022 jyldy elimizde «Balalar jyly», dep jarııalaǵan bolatyn. Prezıdent óz sózinde óskeleń urpaqtyń bolashaǵyna basa mán beretinin, jastarǵa zor úmit artatynyn aıtqan edi. «Jastarymyz atqarylyp jatqan aýqymdy jumystyń, reformalardyń ıgi­ligin mindetti túrde kóredi. Olardyń arasynda kózi ashyq, kókiregi oıaý, oıy ushqyr azamattar az emes. Biz óskeleń urpaqqa jol ashý úshin barlyq jaǵdaıdy jasaýymyz kerek. Olardyń amandyǵy – memleketimizdiń jar­qyn bolashaǵynyń senimdi kepili. Sondyqtan da 2022 jyldy «Balalar jyly», dep jarııalaý kerek dep esepteımin. Áńgime jalań uran men merekelik sharalar týraly emes. Eń aldymen, bılik tarapynan balalardy qorǵaý úshin densaýlyq saqtaý, bilim berý, áleýmettik qoldaý baǵytynda naqty sharalar qolǵa alynýy kerek. О́skeleń urpaqtyń úılesimdi damýy men baqytty balalyq shaǵy – bizdiń jalpyulttyq mindetimiz», dedi Qasym-Jomart Toqaev.

«Balalar jylyna» oraı tuń­­­ǵysh ret uıymdastyrylǵan «Mı­­nıstr kýbogy» bir aı boıy eli­mizdiń birneshe qalasyn­da ótkizildi. 2-24 mamyr ara­ly­ǵynda respýblıkanyń 17 ma­mandandyrylǵan oqý orny­nyń ókilderi Olımpıada baǵdar­lamasyna engen jáne elimizde keń taraǵan sport túrlerinen, atap aıtqanda boks, dzıýdo, grek-rım jáne erkin kúres túrlerinen bas júlde úshin baq synady.

Sáýir aıynda elordadaǵy «Qa­zaqstan» jeńil atletıka kesheninde jarystyń jerebe tartý rásimi ótip, onda 17 komanda tórt topqa bólindi. Odan ári komandalar Nur-Sultan, Almaty, Aqtóbe jáne Taraz qalalarynda aımaqtyq irikteý jarystarynda baq synady. Iаǵnı ár toptaǵy komandalar aınalmaly júıe boıynsha bir-birimen kezdesip, tórt sport túri boıynsha jeńip alǵan medaldarynyń sapasy jaǵynan birinshi oryn alǵan komandalar jartylaı fınalǵa shyqty. Jartylaı fınalda A tobynyń jeńimpazy S tobynyń úzdigine, V tobynyń myqtysy D tobynyń jeńimpazyna qarsylas atandy. Irikteý saıystarynyń qorytyndysy boıynsha, óz toptarynda oza shapqan Kárken Ahmetov atyndaǵy olımpıada rezerviniń respýblıkalyq maman­dandyrylǵan mektep-ınternat-kolledji (Al­ma­ty qalasy), Ja­lań­tós Baha­dúr Seıitqululy atyndaǵy olım­pıa­da re­zerv­tiń oblystyq ma­man­­dan­dy­rylǵan mektep-ınternat-kolledji (Qy­zylorda oblysy), Qa­jymuqan Muńaıtpasuly atyn­­daǵy olımpıada rezer­vi­­niń respýblıkalyq maman­dan­dyrylǵan mektep-ın­­ternat-kolledji (Nur-Sul­tan qalasy) jáne Álııa Molda­ǵulova atyndaǵy oblys­tyq ma­mandandyrylǵan olımpıa­dalyq rezervtegi mek­tep-ınter­nat-kol­ledjiniń (Qara­ǵan­dy oblysy) sportshylary 22-24 mamyr ara­lyǵynda «Mınıstr kýbogyn» sarapqa saldy.

– Sportshylar men jattyq­ty­rýshylar jáne bolashaq chem­pıondardyń ata-analary úshin shyn júrekten qýanyshtymyn. О́ńirlerde osy jarysty ótkizý týraly bastamany úlken yntamen qarsy alǵandary qýantady. Kúrdeli irikteý kezeńderinen keıin elordada eń myqty sport­shylar jınaldy. Bul jarys­tardyń atmosferasy sizderge jaǵymdy emosııa men ádemi áser syılaıdy, al jarqyn jeńis qosymsha serpin men motıvasııa beredi degen senimdemin, – dedi jarystyń resmı ashylý saltanatynda sóz alǵan Mádenıet jáne sport mınıstri Dáýren Abaev.

Sporttyq is-sharanyń alǵash­qy kúnindegi jartylaı fınal básekesinde qarsylastaryna jol bergen Á.Moldaǵulova atyn­daǵy olımpıadalyq rezervtegi ınternatynyń sportshylary men Jalańtós Bahadúr atyndaǵy olımpıadalyq rezervtiń maman­dandyrylǵan mektep-ınternat-kolledjiniń ókilderi ertesi kúni týrnırdiń qola júldesin sarapqa saldy. Úshinshi orynǵa talasqan jas sportshylar tatamı, rıng jáne bozkilemde jan alysyp, jan beristi. Nátıjesinde, sporttyń tórt túri boıynsha jal­py esepte myqtylyq ta­nyt­qan Qyzylorda oblysynyń jas órenderi jeńimpaz atanyp, týr­nır erejesine saı jarystyń qola júldesi men qosymsha 2 mln teńge kóleminde qarjylaı syıaqyǵa ıe boldy.

Al sheshýshi saıys­ta Q.Muń­aıt­­pasuly atyn­da­­ǵy olımpıa­da rezervi­ respýblıkalyq ma­man­­dan­dyrylǵan mektep-ın­ter­nat-kolledji men K.Ahmetov atyn­daǵy olımpıada rezer­vi respýblıkalyq maman­dan­dyrylǵan mektep-ınternat-kol­ledjiniń sportshylary «qos qulaqty» kýbokty jeńip alýǵa baryn saldy. Fınaldyq sheshýshi aıqas bolǵan soń barlyq báseke óte tartysty ótti. О́ıtkeni kez kelgen bir jeńilistiń ózi, bol­­mashy qateliktiń saldary ko­man­­dasyn júldeden qaǵýy ábden múmkin edi. Sondyqtan saıysqa shyqqan sportshylardyń eshqaısysy da jeńilgisi kelmeı, bar kúsh-jigerin alańda qaldyryp, sońǵy demi qalǵansha jeńis úshin kúresti. 

Bozkilemde beldesken ba­lýan­­dardyń, tatamıde óner kórsetken dzıýdoshylardyń tama­sha aıla-tásilderi, sharshy alańdaǵy byl­ǵary qolǵap sheberleriniń árbir jasaǵan soqqysy sport keshenine jı­nal­ǵan jankúıerlerdiń qo­shemetine bólenip otyrdy. Nátı­jesinde, boks, erkin jáne grek-rım kúresinde jeńiske je­tip, tek dzıýdo básekesinde ǵa­na qarsylasyna jol bergen elor­­dalyq Q.Muńaıtpasuly atyn­daǵy olımpıada rezer­vi mektep-ınternat-kolledji sport­shylary tuńǵysh ret uıym­­dastyrylǵan respýblı­ka­lyq «Mınıstr kýbogy» ja­ry­synyń jeńimpazy atanyp qana qoımaı, Mádenıet jáne sport mınıstri Dáýren Abaevtyń qo­lynan kýbok pen 5 mıllıon teńge qarjylaı syıaqy aldy. Ekinshi orynǵa taban tiregen almatylyq sportshylarǵa 3 mln teńge syıaqy berildi.

Sonymen qatar týrnırde jekelegen atalymdar boıynsha da úzdik atanǵan sportshylar arnaıy marapatqa ıe boldy. Atap aıtar bolsaq, bokstan 80 kılo salmaqta óner kórsetken elor­dalyq Rasýl Asahanov (Q.Muńaıtpasuly atyndaǵy olım­pıada rezervi) «Úzdik tehnı­kasy úshin», erkin kúreste 71 kıloǵa deıingi salmaqta beldes­ken almatylyq Danıla Taýrbaev (K.Ahmetov atyndaǵy Olımpıada rezervi) «Jeńiske degen jigeri úshin», dzıýdoda 60 kıloǵa deıingi salmaqta kúresken qaraǵandylyq Dııas Tańatqan (Á.Moldaǵulova atyndaǵy sport ınternaty) «Úz­dik ádisi úshin» jáne grek-rım kúresinen 80 kıloǵa deıingi sal­maqta baq synaǵan Nur-Sultan qalasynyń taǵy bir ba­lýany Asa­náli Serikbaev «Kórermen kózaıymy» atalymdarynda jeńim­­paz atandy. Joǵaryda atal­­­ǵan barlyq sportshyǵa jarys­ty uıymdastyrýshylar yntalan­dyrý retinde 250 myń teńge kóle­minde qarjylaı syıaqy berdi.

Jarys sońyndaǵy jeńimpaz­dar men júldegerlerdi marapat­taý saltanatyna Mádenıet já­ne sport mınıstri Dáýren Abaev­tan bólek,  bokstan Olımpııa oıyndarynyń eki dúrkin kúmis júldegeri, álem chempıony Bolat Jumadilov, dzıýdodan Olımpııa oıyndarynyń kúmis júldegeri Ashat Jitkeev, erkin kúresten álem jáne Azııa chempıonatynyń kúmis júldegeri Nurlan Bekja­nov, sondaı-aq grek-rım kúre­sinen álem chempıonatynyń bes dúrkin júldegeri jáne Azııa chem­pıony Almat Kebispaev qaty­syp, eki kún boıy sport sa­raıynyń shańyn qaqqan jas izbasarlarynyń jarqyn óner­lerine dán rıza bolyp, bolashaqta olar da el namysyn halyqaralyq arenalarda, Olımpııa oıyndary men álem birinshilikterinde laıyqty túrde qorǵaıtynyna senim bildirdi. 

Sońǵy jańalyqtar

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

«Real» – Sýperkýbok ıegeri

Fýtbol • Búgin, 08:40

Anderkardta kúsh synasady

Sport • Búgin, 08:37

Shilde aıyndaǵy úzdikter anyqtaldy

Fýtbol • Búgin, 08:35

Shahmatshylardyń tarıhı jetistigi

Sport • Búgin, 08:34

«Altyn taı» Aıagózdiń enshisinde

Aımaqtar • Búgin, 08:32

Uqsas jańalyqtar