Qaza tapqandar kóp

BUU-nyń Adam quqyqtary jónindegi basqarmasynyń máli­metterine sáıkes 24 aqpannan beri Ýkraınada 3 974 beıbit tur­ǵyn qaza tapqan. Mert bolǵan­dardyń 259-y – balalar. Qaıtys bolǵandardyń jartysynan kóbi Donesk jáne Lýgansk oblys­taryna tıesili. Sondaı-aq 2 106 adam Kıevke taıaý mańdaǵy aýmaq­­ta baqıǵa attanǵan.

Soǵys bastalǵaly qaza tap­qan­dar sany budan álde­­qaıda kóp bolýy múmkin. Muny uıym ókil­deri de moıyn­dap otyr. О́ıtkeni BUU Adam quqyq­tary jóninde­gi basqarmasy tekserilgen naq­ty aqparattarǵa ǵana súıenedi. Ýkraına bıliginiń paıymdaýynsha, Marýıpol qalasynyń ózinde ǵana 20 myń beıbit turǵyn opat bolǵan.

BBC arnasynyń habarla­ýyn­sha, Reseı áskeri Lýgansk obly­synyń Ýkraına baqylaýyndaǵy bóliginiń ákimshilik ortalyǵy Seve­rodoneskige shabýyldaýǵa kiris­ken. Qazirgi tańda qala jar­­ty­laı qorshalǵan. Ony Ýkraı­na­nyń basqa bóligimen baı­lanys­ty­ratyn negizgi kúre jol­ǵa Reseı artıl­lerııa oǵyn jaýdyryp jatyr.

Lýgansk oblystyq ákimshi­liginiń basshysy Sergeı Gaıdaı Severodoneskini Reseı ásker­le­ri men ushaqtary jappaı atqy­lap, bombalap jatqanyn málim­dedi. «Táýlik boıy qıratyp ja­tyr. Ushaqtardan bombalar tas­taıdy, «Grad», «Smerch» pen artılle­rııa­men atqylaıdy», deıdi ol.

Túrli aqparat quraldarynyń habarlaýynsha, Reseı áskeri Seve­­rodoneskige úsh jaqtan sha­býyl­ǵa shyqqan. Endi bir máli­met­te qala mańynda urys júrip jat­qany aıtylǵan. Gaıdaıdyń aıtýynsha, reseılik ásker mınometpen atqylaýǵa múmkindik beretin qa­shyq­tyqqa deıin jaqyndaǵan.

Eýropalyq odaq, AQSh jáne Ulybrıtanııa tarapy Re­seı­diń qyl­mystyq áreke­tin jaýap­ker­shilikke tartý áreketterin úıles­tiretin Qaýipsizdik qyl­mys­tary boıynsha konsýlta­tıvtik top qu­ra­tynyn habarlady. Onyń negizgi mıssııasyna Ýkraına Bas prokýratýrasyna kómektesip, Reseı áskerleriniń qylmystaryn jınaqtaý, saqtaý jáne taldaýǵa járdesý kirmek. Konsýltatıvtik topqa kiretin sarapshylardyń kóp­shiligi qaýip­sizdik maqsatynda Polshada ornalasady.

«Reseıdiń Ýkraınadaǵy ne­giz­siz áskerı agressııasy kezin­de jasalǵan jantúrshigerlik zu­­lymdyq jasaǵannyń bárin ja­ýapqa tartýdy qamtamasyz etý óte mańyzdy. Áskerı qyl­mys­tar jazasyz qalmaıdy», dedi Eýro­palyq odaq dıplomaty Jozep Borrel.

Ulybrıtanııa Syrtqy ister mınıstri Lız Trass Reseı pre­zı­dentin «tynyshtandyrý» áre­­ketin qaýipti dep sanaıtynyn jetkizdi. Sondaı-aq ol Ýkraı­­naǵa qarý-jaraq jetkizýdi kóbeı­­týdi jáne Reseıge qarsy sank­sııa­­lardy kúsheıtýdi surap otyr.

«Reseı agressııasyn basý múm­kin emes. Oǵan kúshpen qarsy turý kerek. Biz áskerı kómek pen sanksııa arqyly Ýkraınanyń jeńisin qamtamasyz etýde tabandy bolýymyz kerek. Biz endi toqtaı almaımyz», dedi Lız Trass.

Taıaýda Davosta ótken forýmda birqatar memleket qaıratkeri Ýkraınadaǵy soǵysty toqtatý úshin Kıev bıligi Reseıdiń aıt­qanyna kónýi qajet degendeı pikir bildirdi. Atap aıtqanda, AQSh-tyń memlekettik hatshysy qyzmetin atqarǵan Genrı Kıssındjer Ýkraınany soǵysqa deıingi terrıtorııany ǵana qaıtaryp, beıbit kelisimge qol qoıýǵa shaqyrdy.

Alaıda onyń pikiri Ýkraına bıligine unaǵan joq. El pre­zıdenti Volodımır Zelenskıı Ýkraına aýmaǵynyń bir bóligin Reseıge berý týraly usynysty synǵa aldy.

«Reseı qandaı áreketke bar­­sa da, «olardyń múddesin eske­reıik» deıtin bireý shy­ǵady. Bıyl Davosta mun­daı pikirdi taǵy estidik. Reseı­diń myńdaǵan zymy­rany Ýkraı­nany qıratqanyna qara­mastan. On myńdaǵan ýkraın ólti­rilgenine qaramastan. Býcha men Marıýpolge qara­mas­tan. Qıraǵan qalalarǵa qara­mastan. Reseıdiń adamdardy konve­ıer­degideı óltirip, azaptap, zor­lap, qorlaıtyn «tárbıeleý lager­lerine» qaramastan», dep keıidi Volodımır Zelenskıı.

Keı sarapshylar Reseı sar­bazdarynyń Donbasta alǵa jyljýyna qaramastan, áskeriniń ále­ýeti álsirep bara jatqanyn alǵa tartady. Buǵan negiz je­ter­­lik. Taıaýda áleýmettik jeli­de T-62 tankileri tıelgen eshe­lon­nyń Ýkraınaǵa qaraı ketip bara jat­qany beınelengen vıdeo tarady. Keıinirek sol eshelon Melı­­to­pol qalasyna baryp jetken. Aıta keterligi, T-62 tan­kileri Keńes Odaǵy ke­zinde qol­danysta bol­ǵanymen, ke­ıin­nen eskirgenine baılanys­ty sap­tan shyǵarylǵan. Sarap­shy­lar Máskeý tarapynyń qoı­ma­daǵy kóne tankilerdi shyǵa­rýyn áskerdegi tehnıkanyń kóp­tep qı­ra­ýymen baılanystyryp otyr.