Prezıdent • 27 Mamyr, 2022

Prezıdent Joǵary eýrazııalyq ekonomıkalyq keńestiń otyrysyna qatysty

74 ret kórsetildi

Qasym-Jomart Toqaev Joǵary eýrazııalyq ekonomıkalyq keńestiń (JEEK) kezekti otyrysyna beınebaılanys rejıminde qatysty, dep habarlaıdy Egemen.kz Aqordaǵa silteme jasap.

Sammıtke Qazaqstan Prezıdentinen basqa Qyrǵyz Respýblıkasynyń Prezıdenti – JEEK tóraǵasy Sadyr Japarov, Armenııanyń Premer-mınıstri Nıkol Pashınıan, Belarýs Prezıdenti Aleksandr Lýkashenko, Reseı Prezıdenti Vladımır Pýtın, Eýrazııalyq ekonomıkalyq odaq janyndaǵy baqylaýshy memleketterdiń basshylary: Kýba Prezıdenti Mıgel Dıas-Kanel jáne О́zbekstan Prezıdenti Shavkat Mırzııoev, sondaı-aq Eýrazııalyq ekonomıkalyq komıssııa alqasynyń tóraǵasy Mıhaıl Mıasnıkovıch qatysty.

Qazaqstan Prezıdenti óz sózinde Eýrazııalyq ekonomıkalyq odaqqa múshe memleketterdiń jahandyq jáne aımaqtyq syn-qaterler jaǵdaıynda ózara kúsh biriktire otyryp, áleýmettik-ekonomıkalyq kedergilerdi sátti eńseretinin, makroekonomıkalyq turaqtylyq pen ósim qarqynyn qamtamasyz etetinin atap ótti.

– Odaqtyń jumysy bastalǵan ýaqyttan beri Qazaqstannyń ózara saýda-sattyq kórsetkishi 33 paıyzǵa, al eksporty 55 paıyzǵa artty. Qazaqstanda 15 myńnan astam birlesken kásiporyn jumys isteıdi. Olardyń sany artyp keledi. Bul qýanarlyq jaıt. Atalǵan kórsetkishter bizdiń ıntegrasııalyq yqpaldastyǵymyzdyń tabystylyǵyn kórsetedi. Ortaq kúsh-jigerimizdiń aldaǵy ýaqytta da azamattarymyzdyń ıgiligi jolyndaǵy saýda-ekonomıkalyq yntymaqtastyqtyń qarqynyn damytýǵa baǵyttalǵany mańyzdy dep sanaımyn. Muny jahandyq syn-qaterler aldyndaǵy bizdiń «ujymdyq ımmýnıtetimizdi» nyǵaıtýdyń kepili dep bilemin, – dedi Qasym-Jomart Toqaev.

Prezıdenttiń pikirinshe, búginde baıqalyp otyrǵan sanksııalyq qaıshylyqtar shyn máninde buryn-sońdy bolmaǵan.

– Bıylǵy aqpan aıynda elordada ótken Eýrazııalyq úkimetaralyq keńes aıasynda «eýrazııalyq bestikke» kiretin elder ekonomıkasynyń ornyqtylyǵyn qamtamasyz etý úshin Joǵary deńgeıdegi Jumys tobyn qurýdy usyndym. Jumys toby quryldy. Jedel sharalar toptamasy ázirlenip, júzege asyrylyp jatyr. Naqty nátıjeler de bar. Biraq kúrdeli geosaıası ahýaldyń áli de jalǵasatynyn este ustaý qajet. Buǵan daıyn bolýymyz kerek, – dedi Memleket basshysy.

Qasym-Jomart Toqaev keńes qatysýshylaryna qazirgi jaǵdaılar men ıntegrasııalyq birigý úderisine saı keletin Qazaqstannyń eki mańyzdy bastamasyn qarastyrýdy usyndy.

– Mańyzdy jobalar men naqty nátıjeler kerek. Bul úshin Eýrazııalyq ekonomıkalyq odaqqa múshe memleketterdiń birlesken jobalaryn tezirek aıaqtaý qajet, sondaı-aq jańa ınvestısııalyq jobalar usyný kerek. Aımaqtyq jáne jahandyq básekege qabilettilikti qamtamasyz ete otyryp, bıznes salasyndaǵy yqpaldastyqty kúsheıtý, transqurlyqtyq dálizderimizdiń jyldamdyǵyn jetildirý qajet. Sanksııalardy eskere otyryp, sheteldik kompanııalardyń basqa jerge kóshýi úshin qolaıly jaǵdaı jasaý máselesine aıryqsha nazar aýdarýdy usynamyn. Álemdik alpaýyt elder de Eýrazııalyq ekonomıkalyq odaqqa múshe memleketterdiń geoekonomıkalyq ornalasý jaǵynan basymdyqqa ıe ekenin jaqsy biledi. Sondyqtan 180 mıllıon tutynýshysy bar naryǵymyzdyń áleýetin elemeý múmkin emes. Atalǵan sharalardy 12 aıdyń ishinde júzege asyrýdy usynamyn, – dedi Qazaqstan Prezıdenti.

Memleket basshysy bul jumystardy Joǵary deńgeıdegi Jumys toby aıasynda Eýrazııalyq ekonomıkalyq komıssııa alqasynyń salalyq múshe – mınıstriniń tóraǵalyǵymen atqarýǵa bolady dep sanaıdy. Jumys tobynyń aralyq baıandamasyn osy jyldyń jeltoqsan aıynda qarastyrý usynyldy.

– Qazirgideı kúrdeli kezeńde úshinshi eldermen, ıntegrasııalyq birlestiktermen ekonomıkalyq yntymaqtastyqty keńeıtý jáne tereńdetý máselesi ózekti bolyp otyr. Bul jóninde byltyr qazan aıynda ótken Joǵary keńestiń otyrysynda aıttym. Qazaqstan Eýrazııalyq ekonomıkalyq odaq organdaryna tóraǵalyq etken kezde osy baǵyt basymdyq retinde aıqyndaldy. О́tken jyldyń sońynda Shanhaı yntymaqtastyq uıymymen ózara túsinistik týraly memorandýmǵa qol qoıyldy. Tez arada jumysty qolǵa alyp, naqty jobalar men bastamalardy talqylaýdy bastaý kerek. Búgin biz Indonezııamen erkin saýda týraly kelisimge kelý jóninde kelissózdi bastaımyz. Úndistanmen kelissóz júrgizilip jatyr, Mońǵolııamen kelisim pysyqtalý satysynda, – dedi Qasym-Jomart Toqaev.

Prezıdenttiń aıtýynsha, qazirgi jaǵdaıda atalǵan baǵyttyń ózektiligi arta túspek. Memleket basshysy Komıssııa men Úkimetterdi atalǵan jumysty jedeldetýge shaqyrdy.

– Keshe birinshi Eýrazııalyq ekonomıkalyq forým ótti. Onda ózekti máseleler men olardy sheshý joldary talqylandy. Eýrazııalyq ıntegrasııany odan ári damytý jóninde pikir almastyq. Tabysty bolǵan osy eki kúnde qol jetkizilgen ýaǵdalastyqtar men sheshimder bizdiń birigý úderisimizdi odan ary damytý aıasynda jalǵasyn tabatynyna senimdimin, – dep Memleket basshysy sózin túıindedi.

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar