Aımaqtar • 27 Mamyr, 2022

Erlan Qarın Soltústik Qazaqstan oblysynyń jurtshylyǵymen kezdesti

29 ret kórsetildi

QR Memlekettik hatshysy Erlan Qarın Ulttyq qoǵamdyq senim keńesiniń múshelerimen birge Soltústik Qazaqstan oblysynyń jurtshylyǵymen birqatar kezdesý ótkizdi dep habarlaıdy Egemen.kz Aqorda saıtyna silteme jasap.

Erlan Qarın aldymen oblys aktıvimen jolyqty. Oblys ákimi Qumar Aqsaqalov óńirdiń áleýmettik-ekonomıkalyq damýy men ınfraqurylymdyq jobalardyń oryndalýy jaıynda baıandady. О́z kezeginde Memlekettik hatshy aldaǵy konstıtýsııalyq reformanyń negizgi baǵyttary týraly aıtty. Sondaı-aq júzege asyrylatyn reforma halyqtyń eldi basqarý isine aralasýyn arttyrýǵa jáne saıası prosesterdi demokratııalandyrý isin odan ári jalǵastyrýǵa múmkindik beretinine nazar aýdardy.

Erlan Qarın atap ótkendeı, osy sebepti konstıtýsııalyq reforma jalpy qoǵamnyń qoldaýyna ıe, ony sońǵy júrgizilgen áleýmettik zertteýlerdiń nátıjeleri kórsetip otyr.

Munan keıin óńirdegi Qoǵamdyq keńesterdiń múshelerimen kezdesý ótti. Kezdesýge qatysýshylar qoǵam men bılik ınstıtýttary arasyndaǵy ashyq ári syndarly dıalogty damytý turǵysynda oı bólisti. Erlan Qarın Konstıtýsııaǵa túzetýler engizýdi ázirleý jumysyna elimizge belgili sarapshylar men qoǵam ókilderi tartylǵanyn atap ótti. Sondyqtan aldaǵy konstıtýsııalyq reformany qoǵamnyń usynysyna negizdelip jasaldy deýge bolady.

Jumys saparynyń barysynda Memlekettik hatshy óńirdegi jastar uıymdarynyń belsendilerimen de kezdesti. Onda jas urpaqtyń qoǵamdyq jumystarǵa belsendi aralasýyn arttyrý jáne jastarǵa qatysty jobalardy qoldaý máseleleri qozǵaldy. Kezdesý qorytyndysy boıynsha Erlan Qarın jastardyń referendým men saıası reformalarǵa úlken qyzyǵýshylyq tanytyp otyrǵanyn atap aıtty.

Jalpy alǵanda, oblys jurtshylyǵy elimizde atqarylyp jatqan saıası jańǵyrý úderisterin jiti baqylap otyrǵanyn aıtyp, qolǵa alynǵan reformalardy júzege asyrýǵa daıyn ekenderin jetkizdi.

Sońǵy jańalyqtar

Dollar arzandady

Qarjy • Keshe

Uqsas jańalyqtar