Aımaqtar • 28 Mamyr, 2022

Senator Álı Bektaev stýdenttermen kezdesti

27 ret kórsetildi

Qazaqstan Respýblıkasy Parlamenti Senatynyń Agrarlyq máseleler, tabıǵatty paıdalaný jáne aýyldyq aýdandardy damytý komıtetiniń tóraǵasy Álı Bektaev Shymkent qalasyndaǵy О́tebaev atyndaǵy Joǵary tehnologııalar kolledjiniń oqytýshylarymen jáne stýdentterimen kezdesti, dep habarlaıdy Egemen.kz.

Senat depýtaty Konstıtýsııaǵa engiziletin jáne qazir elimiz halqynyń keńinen talqylap jatqan negizgi ózgerister týraly aıtty.

«Bul reformalar Prezıdent Qasym-Jomart Toqaevtyń saıası bastamalarynyń jalǵasy, el damýy úshin mańyzdy qadam bolyp tabylady. Eger referendýmda saılaýshylar osy ózgeristerdi qoldasa, onda bizde Prezıdent aıtyp otyrǵan ádiletti Qazaqstandy qurýǵa múmkindik paıda bolady», dedi senator.

Kezdesýde sondaı-aq Senatta ótken jastar saıasaty jónindegi parlamenttik tyńdaýda kóterilgen negizgi máseleler talqylandy. Kezdesýge qatysýshylar orta-arnaıy bilim berý obektileriniń materıaldyq-tehnıkalyq bazasyn nyǵaıtý, kolledj túlekterin jumysqa ornalastyrý jáne biliktiligin arttyrý máseleleri boıynsha pikir almasty.

Sońǵy jańalyqtar

Dollar arzandady

Qarjy • Keshe

Uqsas jańalyqtar