Ekonomıka • 29 Mamyr, 2022

Catylym tómendegen tórt aı

32 ret kórsetildi

Jyl basynan beri resmı dılerler 31 189 tehnıka satqan. Buǵan jeńil avtokólikterden bólek, júk kólikteri, avtobýstar, arnaıy tehnıkalar, tirkemeler de kirip otyr. Dál bir jyl burynǵy kórsetkish 34 100 tehnıkany quraǵan edi. Osylaısha, osy jyldyń qańtar-sáýir aralyǵynda jańa kólikterdiń satylymy 8,5 paıyzǵa tómendegen.

Avtonaryqty taldaý jáne monıtorıngileý ortalyǵynyń bas­shysy Artýr Mıskarıannyń má­li­metinshe, sáýirde kóp satyl­ǵan TOP-5 brendtiń qataryna Chevrolet (3 004 satylǵan), Hyundai (1 802), KIA (968), Toyota (950) jáne LADA (798) engen.

– Sáýir aıynyń qorytyn­dy­sy alǵashqy ondyqtaǵy bir­qa­tar tanymal brendtiń sa­ty­lymynyń aıtarlyqtaı tó­men­degenin kórsetti. Mysaly, Nissan satylymy 81 paıyzǵa, Volkswagen – 81 paıyzǵa, GAZ – 78 paıyzǵa, Renault – 67 paıyzǵa quldyrady, – dedi A.Mıskarıan.

2022 jyldyń qańtar-sáýir ara­­lyǵynda kóp satylǵan brend­­terdiń bestigi kelesideı: Hyun­­­dai – 8 675, Chevrolet – 5 893, KIA – 3 326, LADA – 3 121 jáne Toyota – 3 094.

Sarapshynyń pikirinshe, kólik tapshylyǵy men logıs­tı­ka­lyq problemalarǵa geosaıası jaǵdaı qosyldy. Bul naryqtyń keıbir qatysýshylarynyń ju­my­­syna sózsiz áser etti.

– Qazirgi jaǵdaıda ózimizde qurastyrylǵan avtomo­bıl­der­di satyp alǵandardyń upaıy tú­gel. Birinshiden, otan­dyq ónim­derdiń baǵasy ım­port­tyq avtomobıldermen salys­tyr­ǵan­da shamaly ǵana qym­bat­tady. Ekinshiden, jeńil­de­til­gen baǵdarlama boıynsha av­to­kólik satyp alý múmkindigi berilip otyr, – dep naqtylady Avto­naryqty taldaý jáne monı­torıngileý ortalyǵynyń bas­shysy.

Sarapshy valıýta nary­ǵyn­daǵy ózgeristerdi de esten shy­ǵa­rýǵa bolmaıtynyn eskertti. 1 rýbldiń baǵamy 7 teńge eke­nin eskersek, bul reseılik tu­ty­nýshylardyń Qazaqstannan av­to­kólik satyp alý jolyn qa­ras­tyrýǵa negiz bolmaq.

– Sońǵy eki aıda «Reseıden keletin satyp alýshylar aǵyny» mıfologııalyq sıpatqa ıe bolyp keldi. Eger kýrs uzaq ýaqyt boıy osy deńgeıde saqtalsa, reseılikterden naqty suranys túsýi ábden múmkin, – dedi A.Mıskarıan.

Eske sala keteıik, 16 mamyrda Qazaqstanda jeńildetilgen avtonesıe baǵdarlamasy iske qosyldy. 23 mamyrdaǵy jaǵdaı boıynsha, el turǵyndarynan 14 507 ótinim túsken. Onyń 4 834-i maquldandy. Bul degenimiz – 35,7 mlrd teńge. 2 857 óti­nim­di «Bank SentrKredıt» ma­qul­dasa, qalǵan 2 013 ótinimge «Eýrazııalyq bank» oń jaýap bergen. Ázirshe respýblıkada 34 avtokólik berildi.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar