Sıfrlandyrý jobalarymen tanysty

B.Mýsın sıfrlandyrý jemqorlyqty joıýdyń bir tásili ekendigin aıta kelip, teorııalyq emtıhan tapsyrǵanda da, kólik júrgizý synaǵy kezinde de bıometrııany engizýdiń qajettiligin aıtty. О́ıtkeni kólik júrgizý synaǵyn tapsyrýshy azamattyń ornyna bógde adamdar kirip ketýi ábden múmkin. Búginde osy ortalyqta kúnine 100-130 adam júrgizýshilik kýálik alýǵa synaq tapsyrsa, olardyń arasynan 10-12 adam ǵana ótedi.

Bul jerde aqtóbelikter mınıstr­den aýyldardy sapaly Internetpen qamtamasyz etý jobasy týraly surady. Aıta ketý kerek, qazirgi kezde óńirdegi 326 eldi mekenniń 226-de mobıldi baılanys bar. Biraq kópshilik aýylda Internet baılanysy áli kúnge deıin álsiz. B.Mýsın 2024 jyldyń sońyna deıin Aqtóbe oblysyndaǵy 96 aýylǵa jyldamdyǵy joǵary Internet jetetindigin atap ótti.

Odan keıin mınıstr Q.Jubanov atyndaǵy Aqtóbe óńirlik memlekettik ýnıversıtetiniń Innovasııalyq tehnologııalar parkinde jergilikti ǵalymdarmen jáne stýdenttermen kezdesti. Tórt jyl buryn ashylǵan osy ortalyqta «Baǵdarlamalaý negizderi», «IT kabınet», kompozıttik materıaldar zerthanasy, «Aǵyndy derekter taldaýy jáne mashınalyq oqytý», «Robototehnıka júıeleri», «3D modeldeý» jáne «Kompıýterlik jeliler» zerthanalary ornalasqan. Esepteý tehnıkasy jáne baǵdarlamalyq qamtamasyz etý mamandyǵynyń stýdentteri ózderi ázirlegen tanymdyq oıyndar jobalaryn tanystyrdy. 4-kýrs stýdentteri «Aqyldy úı» tehnologııasy boıynsha turǵyn úı ólshemderin basqaryp, baqylaý jobasyn kórsetti. Osy Smart house jobasy arqyly sensorlardan málimet alyp, jaryqtandyrý men dabyl júıesin avtomatty túrde de, radıo arqyly da basqarýǵa bolady. Sondaı-aq stýdentter Informatıka jáne aqparattyq tehnologııalar ka-­
fed­rasynda aqparattary ózdiginen jyldam jańalanyp turatyn ınteraktıvti qabyrǵany tanystyrdy. Mınıstr tehno­park jumysymen tanysqannan keıin óńirdiń IT qaýymdastyǵymen jáne stýdenttermen kezdesti. Sapar sońyn­da Aqtóbe oblysy ákimdigi ǵımaratyn­da Ahýal ortalyǵymen tanysyp, óńir basshysy Ońdasyn Orazalınmen  sıfr­landyrý baǵdarlamasy boıynsha jedel sheshýdi qajet etetin birqatar jobalardy talqylady.

Aqtóbe oblysy