Almas Qýandyqov Atyraý oblysynyń týmasy. Talsa ýnıversıtetinde (AQSh) ınjener-munaıshy mamandyǵy boıynsha bilim alǵan. ExxonMobil jáne Shlumberger-de biliktilikti arttyrý boıynsha birqatar taǵylymdama men kýrstardan ótti.
Eńbek jolyn 2010 jyly Norvegııadaǵy Statoil kompanııasynda ázirleýshi ınjener laýazymynan bastady, sodan keıin ExxonMobil halyqaralyq kompanııasynda (Hıýston q., AQSh) ázirleýshi ınjener laýazymynda jumys istedi. 2013 jyly Qazaqstanǵa oralǵannan keıin Qashaǵan jobasynda Nort Kaspıan Opereıtıng Kompanı (NCOC) kompanııasynda ártúrli laýazymdarda, ınjener-ázirleýshi, tehnıkalyq jáne bıznes máseleleri boıynsha jetekshi ınjener, kúkirt eksporty boıynsha úılestirýshi bolyp jumysyn jalǵastyrdy.
2019 jyldan bastap 2022 jyldy qosa alǵandaǵy kezeńde «QazMunaıGaz» UK» AQ-da iri jobalardy baǵyttaý boıynsha Operasııalyq emes óndirýshi aktıvter departamenti dırektorynyń orynbasary laýazymynda jumys istedi.
Sońǵy eki jylda Qashaǵan men Qarashyǵanaq jobalaryna jetekshilik etti.
