Baıqaý N.Nazarbaev ortalyǵy tarapynan Nur-Sultan qalasy bilim basqarmasy men elordalyq sýretshiler odaǵynyń qoldaýymen 2022 jylǵy 18 sáýir - 23 mamyr aralyǵynda «Balalar jyly» aıasynda ótetin Álemdik jáne dástúrli dinder lıderleriniń VII Sezin nasıhattaý maqsatynda uıymdastyryldy.
Is-sharaǵa Aqparat jáne qoǵamdyq damý vıse-mınıstri S.Egizbaev, konfessııaaralyq jáne órkenıetaralyq dıalogty damytý jónindegi N.Nazarbaev ortalyǵynyń Basqarma Tóraǵasy B.Sársenbaev, QMDB Tóraǵasynyń orynbasary, naıb múftı E.Ońǵarov, Nur-sultan qalasyndaǵy mártebeli Marııa Arhıeparhııasynyń Arhıepıskop-mıtropolıti T. PETA, Qazaqstandaǵy Evangelııalyq-lıýterandyq shirkeýdiń Arhıepıskopy Iý.Novgorodov jáne sondaı-aq Qazaqstandaǵy dıplomatııalyq mıssııalardyń, BAQ ókilderi men elordalyq mektepterdiń oqýshylary, olardyń ata-analary men oqytýshylary qatysty.
«Memleket Basshysy Qasym – Jomart Toqaev 2022 jyldy balalar jyly dep jarııalaǵan bolatyn. Jańa Qazaqstan «Rýhanı Everesttiń» shyńdaryn baǵyndyrmaq. Búgin Qazaqstan álemge qarapaıym jolmen, biraq kelisimde, janjalsyz ómir súrýge jáne dıalog prosesinde qaıshylyqtardy sheshýge bolatynyn kórsetip otyr. Osy rette kópkonfessııalyqty saqtaı otyryp, birlikke qol jetkizý mańyzdy. Baıqaýdyń barlyq qatysýshylaryn kele jatqan Halyqaralyq balalardy qorǵaý kúnimen quttyqtaımyn», dedi Aqparat jáne qoǵamdyq damý vıse-mınıstri S.Egizbaev.
Nur-Sultan qalasynyń 28 mektebinen barlyǵy 78 qatysýshydan 83 jumys kelip tústi. Baıqaýdyń qazylar alqasy qatysýshylardy jasyna qaraı 2 topqa bóldi: birinshi topta 7 jastan 10 jasqa deıingi balalar, ekinshi topty 11 - 16 jas aralyǵyndaǵy qatysýshylar.
Baıqaý qorytyndysy boıynsha qazylar alqasy oqýshylardyń úzdik jumystaryn anyqtap, olarǵa dıplomdar men baǵaly syılyqtar tabystady.
Birinshi top jeńimpazdary:
1 - oryn - Ermek Nuraly Esboluly, jumys ataýy «Mýzyka v dýshe», №73 mektep-lıseı, 1-synyp.
2 - oryn - Jomart Saıa Qýanyshqyzy, jumys ataýy «Naýryz meıramy (Merekeler)», №48 mektep-lıseı, 4-synyp.
3-oryn - Bımanova Dılnaz Anvarovna, jumys ataýy «Edınaıa strana», «Binom school Turan» mektebi, 2-synyp.
Ekinshi toptyń júldegerleri:
1 - oryn - Beısembaeva Ajar, jumys ataýy «Álem jáne rýhanııat meniń kózimmen», №68 mektep – gımnazııa, 8-synyp.
2-oryn - Djabraılova Amına, jumys ataýy «Ana», № 20 mektep, 6-synyp.
3 - oryn - Zıneken Jannur Nurlybekqyzy, jumys ataýy «Strýny dýshı», №72 mektep-lıseıi, 5-synyp.
Sonymen qatar Ádiljan Popov «DNK-nyń paıda bolýy» jumysy qazylar alqasynyń arnaıy syılyǵymen, Darııa Ábdirahman men Almat Bımarııam «Kreatıvti jumys» nomınasııasy boıynsha marapattaldy.
Baıqaýdyń uıymdastyrylýyna ortalyqtyń seriktesteri bolyp tabylatyn Qazaqstan musylmandary dinı basqarmasy, Rım – Katolık shirkeýi, Shyǵys Eýropa aımaǵyndaǵy Isa Másihtiń Sońǵy zamandaǵy Áýlıeler Shirkeýi, elordalyq sýretshiler odaǵy, sondaı-aq «Kazdream Technologies» kompanııasy demeýshilik kómek kórsetti.
«Pandemııadan keıin alǵash ret Beıbitshilik jáne kelisim saraıy balalardyń, olardyń ata-analary men tálimgerleriniń qýanyshyna, kúlkisine tolǵanyna qýanyshtymyn. Bul is-shara Álemdik jáne dástúrli dinder lıderleri seziniń ıdeıalary balalar júreginde óz áserin qaldyrdy dep oılaımyn. Bir jarym aı ishinde elordanyń 20-dan astam mektebinen 78 qatysýshydan 80-nen astam jumys kelip tústi. Saıysqa túsken eń jas qatysýshy nebári 6 jasta. Búgin munda usynylǵan sýretter toptamasy balalardyń rýhanııat pen toleranttylyqqa degen kózqarasy konfessııaaralyq jáne etnosaralyq kelisimniń qazaqstandyq modeliniń baılyǵy men biregeıligin taǵy bir ret kórsetetinin dáleldedi. Jas sýretshilerdiń alýan túrli týyndylary kópshilikti jańa shyǵarmashylyq jetistikterge shabyttandyratynyna senimdimin», dep atap ótti Ortalyqtyń Basqarma Tóraǵasy B.Sársenbaev.
Is-shara sońynda barlyq qatysýshylar men olardyń jetekshilerine estelik sertıfıkattar tabystaldy.
Aıta ketý kerek, 14-15 qyrkúıekte Álemdik jáne dástúrli dinder lıderleriniń VII Sezi barysynda atalǵan baıqaýǵa kelip túsken sýretterden arnaıy kórme ótkizý josparlanǵan.
