Referendýmnyń el erteńi úshin mańyzdy ekenin túsingen kitaphana ujymy depýtattarmen kezdesýge bir kisideı qatysty. О́z kezekterinde suraq qoıyp, pikir almasty.
– О́ńir turǵyndary referendýmnan oń ózgerister kútedi. Kóbi kelip, óz daýystaryn berýge nıetti. Buqaralyq aqparat quraldary arqyly da qajetti aqparattar usynylyp jatyr. Osy rette aýdan, qalany aralap túsindirýimiz qanshalyqty qajet dep eki oıly boldyq. Alaıda jurtshylyqpen júzdesip, ár normany túsindirgenimizde, olardyń kókeılerinde júrgen saýaldaryn tyńdadyq. Qur synaı bergennen góri, ózgeris úshin óz daýystaryn berse durys. Saıyp kelgende, demokratııalyq qoǵamdy birlese qurýymyz kerek, – deıdi Janat Omarbekova.
Depýtattyń aıtýynsha, eger Konstıtýsııaǵa engiziletin ózgerister qabyldansa, elimiz óziniń saıası damýynyń jańa deńgeıine ótedi. О́ıtkeni reforma quqyqtyq, partııalyq júıeni, memlekettik bılik bólinisiniń prınsıpterin ózgertedi.
– Elimizdiń ózgergenin qalasaq, 5 maýsymdaǵy jalpyhalyqtyq referendýmǵa qatysýymyz kerek, – dedi Janat Omarbekova.
Sonymen qatar Irına Ýnjakova aıtyp ótkendeı, Konstıtýsııanyń jańarǵan nusqasynda quqyq qorǵaý salasy boıynsha mańyzdy ózgerister engiziledi. Atap aıtsaq, Konstıtýsııalyq sot qurylady. Adam quqyqtary jónindegi ýákildiń, ıaǵnı ombýdsmenniń mártebesi Ata Zańmen aıqyndalady. Elimizde ólim jazasy múlde joıyldy. Munyń bári azamattardyń quqyqtary men bostandyqtaryn qorǵaý úshin jasalyp jatyr.
– Biz azamattarmen kezdesip Konstıtýsııaǵa engiziletin ózgerister men tolyqtyrýlardy jan-jaqty túsindirip, týyndaǵan suraqtaryna jaýap bergen kezde adamdardyń referendýmǵa degen kózqarasy ózgerip, qoldaıtyndyqtaryn aıtyp jatady. Kez kelgen aqparatty halyqqa túsinikti tilde durystap jetkizý mańyzdy, – deıdi I.Ýnjakova.
Kezdesýge qatysqan kitaphana qyzmetkerleri Respýblıkalyq shtabtyń múshelerine óz suraqtaryn qoıyp, usynys pikirlerin de bildirdi. Árıne, 5 maýsym kúni óz tańdaýlaryn jasaıtyndaryn jetkizdi.
Shyǵys Qazaqstan oblysy
