Nurjan Nurjigitov jańa orynbasaryn oblys aktıvine tanystyryp, óńirdi damytý jolynda birqatar mańyzdy mindetti naqtylady.
Erkin Qulymbaıuly 1977 jyly Jambyl oblysy Qordaı aýdanynda týǵan.
M.Dýlatı atyndaǵy Taraz memlekettik ýnıversıtetin «ınjener-mehanık», J.Balasagyn atyndaǵy Qyrǵyz ulttyq ýnıversıtetin «quqyqtaný», Qazaqstan Respýblıkasy Prezıdentiniń janyndaǵy Memlekettik basqarý akademııasyn «memlekettik jáne jergilikti basqarý» mamandyqtary boıynsha támamdaǵan.
Eńbek jolyn 1999 jyly «Sultan tegi ımpeks» JShS-inde mehanızator bolyp bastaǵan.
Ár jyldary Qordaı aýdany ákimi apparatynyń bas mamany, Jambyl oblysy ákimdiginiń ishki saıasat basqarmasynyń bas mamany, bólim basshysy, Jambyl oblysy ákimi apparatynyń áleýmettik-saıası bóliminiń meńgerýshisi, Qordaı aýdany ákiminiń orynbasary bolyp eńbek etken.
Sondaı-aq 2012-2013 jyldary Jambyl oblysy ákimdiginiń jastar saıasaty máseleleri basqarmasynyń basshysy, 2013-2016 jyldary Qazaqstan Respýblıkasy Bilim jáne ǵylym mınıstrliginde departament dırektorynyń orynbasary, Jastar isi komıteti tóraǵasynyń orynbasary, 2016-2018 jyldary Qazaqstan Respýblıkasy Din isteri jáne azamattyq qoǵam mınıstrliginiń Jastar saıasaty departamenti dırektorynyń orynbasary, 2018-2019 jyldary Qazaqstan Respýblıkasy Qoǵamdyq damý mınıstrliginiń Qoǵamdyq jańǵyrtý departamenti jańǵyrtý baǵdarlamalaryn úılestirý basqarmasynyń basshysy, 2019-2020 jyldary Qazaqstan Respýblıkasy Aqparat jáne qoǵamdyq damý mınıstrliginiń Etnosaralyq qatynastardy damytý departamenti dırektorynyń orynbasary qyzmetterin atqarǵan.
2020 jylǵy mamyrdan bastap búgingi kúnge deıin Qazaqstan Respýblıkasy Aqparat jáne qoǵamdyq damý mınıstrliginiń Etnosaralyq qatynastardy damytý komıteti tóraǵasynyń orynbasary laýazymynda eńbek etip keldi.
Jańa orynbasar oblystyń mádenıet, tilderdi damytý, ishki saıasat, bilim, sport, jastar, din salalary boıynsha jetekshilik etedi.
