Otyrys aıasynda Keden odaǵynyń tehnıkalyq reglamentterine sáıkes kelmeıtin ónim shyǵaratyn jeke munaı óńdeý zaýyttarynan (MО́Z) salyqtyq jeńildikterdi alyp tastaý, bıznes sýbektilerine MО́Z-degi ınfraqurylym obektilerin qoljetimdi etý, olarda munaı ónimderin saqtaýdy reglamentteý, sondaı-aq munaı ónimderin tıeý jáne tasymaldaý qyzmetterine tarıfterdi tómendetý turǵysynan retteý boıynsha Energetıka mınıstrligi ázirlegen usynystar talqylandy.
«MО́Z-de qaýipsizdik júıelerine aýdıt júrgizý, ónimdi óndirýdi, saqtaýdy, syrtqa shyǵarýdy jáne basqa da tehnologııalyq prosesterdi baqylaý, sondaı-aq olardyń aýmaǵynda suıytylǵan munaı gazyn saqtaý parkterin salý jáne olardyń qyzmetimen baılanysty máseleler qaraldy», delingen Úkimet basshysynyń baspasóz qyzmeti taratqan aqparatta.
Sondaı-aq otyrysqa qatysýshylar «QazMunaıGaz» UK» AQ, «Ulttyq aqparattyq tehnologııalar» AQ jáne t. b. qyzmetine qatysty keıbir máselelerdi qarady.
Talqylaý qorytyndysy boıynsha Premer-Mınıstr Komıssııanyń kelesi otyrysynda sheshim qabyldaý úshin birqatar tapsyrma berdi.
