Prezıdent • 01 Maýsym, 2022

Prezıdent Ortalyq Azııa ekologııalyq zertteýler ınstıtýtyna bardy

35 ret kórsetildi

Memleket basshysy Ortalyq Azııa ekologııalyq zertteýler ınstıtýtyn aralap kórdi, dep habarlaıdy Egemen.kz Aqordanyń resmı saıtyna silteme jasap.

Qasym-Jomart Toqaev álemdik zamanaýı tehnologııalarmen jabdyqtalǵan ınstıtýttyń jańa ǵımaratyna baryp, mekeme jumysymen tanysty.

Bul ǵımarat ózin-ózi sýmen jáne elektr qýatymen tolyq qamtamasyz etýge múmkindik beredi. Irgesi 2012 jyly qalanǵan ınstıtýt qorshaǵan ortany qorǵaý jáne ESG – ekologııa, áleýmettik saıasat jáne korporatıvtik basqarý salasynda irgeli jáne qoldanbaly ǵylymı zertteý jumystaryn júrgizip keledi.

Prezıdentke ınstıtýt jumysyndaǵy munaı-hımııa ónerkásibiniń qaldyqtaryn qaıta óńdeý, sý qoımalaryn tazalaý jáne sý qoryn jınaý, Kaspıı ıtbalyǵyn zertteý jáne ońaltý sııaqty 3 negizgi baǵyt tanystyryldy.s

Qasym-Jomart Toqaev Kaspıı ıtbalyǵynyń azaıyp ketý sebebin zerdelep, osy baǵytta irgeli zertteýler júrgizý qajet ekenin atap ótti. Prezıdent osy ózekti máseleni óz baqylaýyna alatynyn aıtty.

120-dan astam ǵalym men sarapshy qyzmet etetin ınstıtýttyń zamanaýı qural-jabdyqtarmen qamtamasyz etilgen jeke zerthanasy bar. Jetekshi halyqaralyq ǵylymı ortalyqtarmen belsendi yntymaqtastyq ornatqan zertteý mekemesiniń basshylyǵy otandyq kompanııalardyń strategııasy men qyzmetine ESG qaǵıdattaryn engizýge atsalysyp jatqanyn jetkizdi.

Memleket basshysyna ózekti ekologııalyq máselelerge qatysty birqatar tehnologııa ázirlengeni jóninde baıandaldy. Quryltaıshylardyń aıtýynsha, munaı-gaz ónerkásibiniń topyraqqa, janýarlar dúnıesine jáne jalpy qorshaǵan ortaǵa tıgizetin zııanyn joqqa shyǵarýǵa bolmaıdy. Sondyqtan atalǵan ınstıtýtta topyraqty munaı ónimderiniń zııandy áserinen zalalsyzdandyrý ádisteri ázirlenip, patenttelgen.

 

Sońǵy jańalyqtar

Aqtaý ákimine sógis jarııalandy

Aımaqtar • Búgin, 18:45

Almatyda eki kóshe jartylaı jabylady

Aımaqtar • Búgin, 16:48

Bıyl mektep formasy ózgermeıdi

Bilim • Búgin, 16:14

Dollar qymbattady

Ekonomıka • Búgin, 15:54

Jetisý oblysynyń TJD basshysy taǵaıyndaldy

Taǵaıyndaý • Búgin, 15:08

Aralda jol apatynan bir adam kóz jumdy

Oqıǵa • Búgin, 11:35

Uqsas jańalyqtar