«Bul uıym qurylǵan kezden bastap qoǵamdyq damýdyń kósh basynda boldy. Qanysh Sátbaev, Muhtar Áýezov, Ábiken Bekturov, Ahmet Jubanov, Álkeı Marǵulan, Shahmardan Esenov, О́mirzaq Sultanǵazın, Murat Aıtqojın, Ábdýálı Qaıdarov jáne basqa da kóptegen kórnekti tulǵalardyń esimi Qazaqstan tarıhyna altyn árippen jazyldy. Olardyń árqaısysy óz salasynyń asqar shyńyn baǵyndyrdy. Qazba baılyǵymyzdy ıgerýge, óndiristi órkendetip, ekonomıkany damytýǵa, eldi rýhanı jańǵyrtýǵa ólsheýsiz úles qosty», dedi Prezıdent.
Halyqtyń birtýar perzentteriniń eńbegi árdaıym este bolatynyn, óskeleń urpaq olardy úlgi-ónege tutatynyn aıtqan Memleket basshysy munymen toqmeıilsýge bolmaıtynyn da eske saldy.
«Búginde jas ǵalymdarymyz sol alyptardyń izin basyp, jolyn jalǵap keledi. Degenmen, bir máseleni qaperde ustaý kerek. О́mir bir orynda turǵan joq. Kún sanap ózgerip jatqan qazirgi zamanda burynǵy jetistikterge marqaıyp otyrýǵa bolmaıdy», dedi Qasym-Jomart Toqaev.
