«Biz ǵylymnyń ulttyq ekonomıkaǵa qosatyn úlesin kóbeıtýimiz kerek. Sonymen birge, álemdik ǵylymı keńistikpen yqpaldastyqty kúsheıtken jón. Ǵalymdar elimizdiń rýhanı damýyna da basa mán bergeni durys. Jastardyń otanshyldyq rýhyn kúsheıtý kerek. Qazir áleýmettik jelide memlekettik týdy qadirleý týraly kóptegen oı-pikirler aıtylýda. «Týǵan jerge týyńdy tik» dep halqymyz beker aıtpaǵan. Biz – týyn árqashan bıik ustaǵan elmiz. Osy rette, Qanysh Sátbaevtyń bir oıy ózekti bolyp otyrǵan sııaqty: «О́z eliniń qara tasyn maqtan ete almaǵan, ózge jerdiń altynyn da maqtap jarytpaq emes». Memlekettik rámizderimizdi qasterleý – ár azamattyń perzenttik paryzy. Osyny óskeleń urpaqtyń sanasyna sińiretin eń áýeli – sizder, ıaǵnı zııaly qaýym», dedi Prezıdent.
