«Osy jyldyń 30 mamyrynda Aqtaý qalalyq sotynyń úkimimen Aýyl sharýashylyǵy basqarmasy basshysynyń burynǵy orynbasary Baqtybaı Izimtaev kún panelderin jetkizýshilerden sýbsıdııa berý kezinde jalpy qamqorlyǵy úshin para alý faktisi boıynsha kináli dep tanylyp, oǵan 28 mıllıon teńge kóleminde aıyppul taǵaıyndaldy. Sonymen qatar ol memlekettik organdarda qyzmet atqarý quqyǵynan ómir boıyna aıyryldy», delingen ANTIKOR habarlamasynda.
Sondaı-aq kún panelderin jetkizýshiler Shynbolat Qumar, Jaqsylyq Aralbaev para bergeni úshin sottalyp, árqaısysyna 2,6 mıllıon teńge kóleminde aıyppul salyndy.
Sot «Baısyrymov» JK ıesin jalǵan qujattardy usyný arqyly sýbsıdııa somasyn alǵan alaıaqtyq faktisi boıynsha kináli dep tanyp, oǵan 3 jylǵa bas bostandyǵyn shekteý taǵaıyndady.
«Sottalǵandardyń qylmystyq is-áreketi nátıjesinde memleketke 6,9 mıllıon teńge kóleminde zalal keltirildi», dep qosty agenttiktiń baspasóz qyzmeti.
