Bizdiń Beıbit Shómenov amerıkalyq Hopkınspen shaıqasady

Búgin, 19 sáýir kúni túnde Vashıngtonda jartylaı aýyr salmaqtaǵy (79,38 kg) qazaqstandyq kásipqoı boksshy Beıbit Shómenov pen amerıkalyq Bernard Hopkınstiń arasynda jekpe-jek bolady. Bul týraly egemen.kz habarlady. Jekpe-jek Qurama Shtattar astanasyndaǵy DC Armory sport kesheninde ótedi. Ol 20 sáýir kúni 03:00 saǵatta KazSport telearnasynan tikeleı efır arqyly kórsetiledi. Bul urys tarıhta eń jasy úlken boksshynyń rıngke shyǵatyndyǵymen erekshelenedi. Amerıkalyq Bernard Hopkınstiń jasy qazir 49-da. Ol IBF versııasy boıynsha álem chempıony bolsa, 30 jasar Beıbit Shómenov WBA nusqasynyń sýperchempıony degen ataqqa ıe. Osy kezge deıin bulardyń alǵashqysy rıngte 64 urys ótkizip, onyń 32-in nokaýtpen aıaqtasa, ekinshisi 15 jekpe-jekke shyǵyp, onyń 9-yn merziminen buryn bitirgen. Búgin boksshylar tarazyǵa tartyldy. Ol Beıbittiń salmaǵy  174.4 fýnt (79.11 kılo), al Bernardtyń 172.4 (78.2) fýnt tartatynyn kórsetti. Eki boksshy birden joǵarydaǵy eki versııa – Halyqaralyq boks federasııasy (IBF) men Búkilálemdik boks assosıasııasy (WBA) boıynsha chempıondyqty sarapqa salady. Damır Qojamqul. Derekkóz: egemen.kz. Foto: © AP Photo/Luis M. Alvarez.