Atalǵan qyzmetke Marat Qurmanbaev taǵaıyndaldy. Ol 1963 jyly Qyzylorda oblysynda dúnıege kelgen.
Jambyl gıdro melıoratıvtik-qurylys ınstıtýtyn «ınjener-gıdrotehnık» mamandyǵy boıynsha támámdaǵan.
Eńbek jolyn 1980 jyly «Qyzylordavodstroı» tresine qarasty PMK-9 mekesinde jumysshy bolyp bastaǵan. Atalǵan mekemede 1990 jylǵa deıin brıgadır, óndiristik josparlaý bóliminiń ınjeneri, gıdrotehnıkalyq qurylys jónindegi masteri qyzmetterin atqarǵan.
Al memlekettik qyzmettegi eńbek jolyn eń tómengi satydan bastap, kásibı biliktiligi men joǵary uıymdastyrýshylyq qarym-qabileti arqyly Qyzylorda oblystyq tabıǵat qorǵaý komıteti Jalaǵash aýdandyq basqarmasynyń basshysy, Aral-Syrdarııa ekologııa departamentiniń memlekettik ekologııalyq ınspeksııa bóliminiń bastyǵy, oblystyq qorshaǵan ortany qorǵaý basqarmasy bastyǵynyń orynbasary - Bas memlekettik ekologııalyq ınspektory qyzmetine deıin saty-satysymen, mansaptyq ósý qaǵıdatymen kóterilgen.
Ekologııa salasynyń maıtalmany retinde ol 2013-2014 jyldary Qorshaǵan ortany qorǵaý jáne sý resýrstary mınıstrliginde Ekologııalyq retteý jáne baqylaý komıtetiniń Qyzylorda oblysy boıynsha ekologııa departamentiniń basshysy, 2015-2019 jylǵa deıin Energetıka mınıstrliginde munaı gaz keshenindegi ekologııalyq retteý, baqylaý jáne memlekettik ınspeksııa komıtetiniń Qyzylorda oblysy boıynsha ekologııa departamentiniń basshysy boldy.
Al 2019 jyldyń tamyz aıynan bastap Ekologııa, geologııa jáne tabıǵı resýrstar mınıstrliginde Ekologııalyq retteý jáne baqylaý komıtetiniń Qyzylorda, Jambyl oblystary boıynsha departamenti basshysy qyzmetterin atqarǵan.
