Metallýrgter reformanyń ózektiligin talqylady

Depýtattar metallýrgtermen Konstıtýsııanyń el damýyndaǵy rólin jáne Jańa Qazaqstandy qu­rý­­daǵy konstıtýsııalyq re­for­­manyń mańyzdylyǵyn tal­qy­lady.

Iýrıı Jýlın konstıtýsııalyq reforma aýqymdy jáne túbegeıli ózgeristerge jol ashatynyn atap ótti.

– Konstıtýsııalyq Sottyń qurylýy azamattardyń ózderiniń konstıtýsııalyq quqyqtaryn qorǵaý múmkindikterin keńeıtedi. Konstıtýsııaǵa engiziletin ózge­ris­ter Konstıtýsııalyq Keńes­tiń ókilettigin keńeıtpeıdi, ke­ri­­sinshe, quqyqtary men múd­de­­lerine nuqsan keltirilgen dep sa­naıtyn azamattarǵa má­­se­­le­ni qaraý úshin tikeleı Kon­s­tıtýsııalyq sotqa júginýge qu­qyq beredi. Buǵan deıin Kons­tı­týsııalyq Keńes Prezı­denttiń jáne Májilis depýtat­ta­rynyń 2/3-iniń saýaly boıynsha osy nemese ózge zańnyń Konstıtýsııaǵa qanshalyqty sáıkes keletini jó­nin­de túsinikteme bergen bolatyn. Endi Konstıtýsııalyq sot árbir qazaqs­tandyqqa qabyldanǵan she­­shim­niń aıqyndyǵy turǵy­sy­nan qo­rytyndy alý úshin jo­ǵa­ry qada­ǵalaý organyna júginý qu­qyǵyn beretin bolady, – dedi.

О́z kezeginde Berik Ábdiǵa­lı­uly referendýmdy mańyzdy saıa­sı oqıǵa ekenin atap ótti.

– Memleket basshysynyń máli­mdeýinshe, Qazaqstan ta­rı­hy­n­daǵy jańa taraýdy Kons­tı­tý­sııaǵa túzetýler ashady. Qo­­ǵamnyń jáne eldiń ómirine jan-jaqty áser etetin eldiń saıa­sı jú­ıesin qaıta iske qosýdyń órshil maqsattary qoıylǵan, – dedi depýtat.

Al «ArselorMıttal Temir­taý» AQ úshinshi domna peshi ýchas­kesiniń jetekshisi Marlen Baıbýsınov zańǵa engizilgen to­lyq­tyrýlar men túzetýler týraly aıtyp, referendýmǵa óz qol­da­ýyn bildirdi.

– Biz kóptegen jyl boıy el­de­gi halyq pen demokratııa sa­na­­synyń ózgerýi týraly aıtyp ke­lemiz. Sondyqtan referendým buǵan yqpal etedi dep sanaımyn. Men referendýmdy qoldaý úshin min­detti túrde 5 maýsymda ózim­niń saılaý ýchaskeme baramyn, – dedi metallýrg.

Kezdesýge qatysýshylar usy­ny­­lyp otyrǵan jańa ózge­­ris­terge taldaý jasap, konstı­tý­sııalyq reformanyń mańyzdylyǵyn, onyń ishinde azamattardyń mem­leketti basqarýǵa qatysýyn ke­ńeıtý, quqyq qorǵaý salasyn ny­ǵaıtý máselelerin talqylady. Metal­lýrgter de zeınet jasyn tó­men­detý múmkindigi týraly óz usy­nystaryn aıtty.

Qaraǵandy oblysy