Eldi mekenge eki aıǵa shekteý qoıyldy. Osy ýaqyt aralyǵynda aýyl halqy syrtqa shyǵa almaıdy jáne malyn da satýǵa tyıym salyndy. Túz taǵysy tórt adamdy jaraqattaǵan bolatyn. Onyń biri 4 jastaǵy búldirshin.
Al qasqyr talaǵan aýyl ıtteriniń búginde kózi joıylǵan. Jaraqat alǵan turǵyndarǵa qutyrýǵa qarsy dári salyndy. Endi shekteý talabyna saı, aýyldaǵy tórt túlik te túgeldeı egiledi.
Dárigerler qutyrý aýrýy adamnan adamǵa juqpaıtynyn aıtady.
«Asa qaýipti aýrý oshaǵynyń tirkelýine baılanysty aýylda tirkelgen 3 204 bas janýardy qutyrý aýrýyna qarsy vaksınasııalaý úshin vaksına jáne dezınfeksııalaý jumystary úshin 11 550 sharshy metr aýmaqqa dezınfeksııalyq eritindi suratyldy. Shekteý sharalary engizilgennen keıin aýrý oshaǵyn joıý boıynsha jumystardy Respýblıkalyq epızootııaǵa qarsy otrıad júrgizedi», dedi BQO veterınarııa basqarmasynyń bólim basshysy Baldaı Saparǵalı.
Aıana Toǵanbek
