KО́RKEM GIMNASTIKANYŃ PRIMASY

Beıjiń Olımpıadasynyń al­dynda kórkem gımnastıkanyń bilgiri, tálimin kórgen shákirtteri Olımpıadadan álem chem­pıo­na­tyna deıingi aralyqtardaǵy ja­rys­tardyń bar júldeli oryn­daryn bólisip júretin dańqty Irına Vınner bylaı degen. “Beıjińde top jarýǵa laıyq tórt-bes kórkem gımnasshy bar. Solardyń biri – Álııa Júsipova”. Vınner árıne, Álııanyń tól­qujatqa jazylyp ketken tegimen Alııa Iýsýpova deıdi. О́zimiz Alııa­ny Álııa dep qazaqshalaı qoıamyz da, famılııasyna kelgende qa­zaq­shamyz taýsylyp qalady. Iýsý­pova degen soń sporttaǵy jurt­ty qoıyp, ózi­mizde de Álııany kór­megender tatar qyzy shyǵar dep shatasyp jatady. Shyndyǵynda eshqandaı qos­pa­sy joq qazaq qyzy ǵoı. Ákesi Maqsut bokstan Ońtústikte alǵash­qylardyń biri bolyp sport sheberi bolǵan. Álııa Júsipova Sáýle Bar­lybaeva, Altyn Batyrbekova ápke­leriniń jolyn qýyp, uzaq jyl­dar boıy álemdegi úzdik bes­tiktiń ishinde boldy. Sol Álııamyz úlken sportpen qosh­tasty. Týǵan halqyna, súıikti Otanyna kórkem gımnastıkanyń altynyn syılaý úshin baryn sal­ǵany anyq. “Úıdegi kóńildi bazar­daǵy naryq buzady” degendeı, qaı­synda da Álııanyń keri tart­qan jeri joq. Jeńil atletterdiń baqy­ty má­re­ge qalaı kelgeni sekónt­terdiń shashylyp qalǵan qıqymyna deıin jańylmaı esep­teıtin qural­dary ar­qyly anyq­ta­latyndyǵy. Al, qazy­lar alqasy anyqtaıtyn sport túr­le­rinde pen­delik degen bolyp jatady. Qazylar alqasyna sózi óter yq­pal­dy aǵaıynyń bolmaǵan jaǵdaıda qansha jerden talantty bolsań da shekesi qyrystanyp, uı­qysy shala bolǵan bireýi kókeıin­degi sportshy­nyń aldyna shyǵyp ketpeýi úshin upaıyńdy tómen bere salsa bitti. Álııa osy qııanatty kóp kórdi. Afına Olımpıadasynda ke­min­de kúmis medal alýy kerek edi, kórermenderdiń jer tepkilegenine qaramaı oljasyn kópe-kórneý tehnıkalyq qate jibergen Reseı qyzyna alyp berdi. Beıjiń Olımpıadasynda da ýkraınalyq Bessonova men qazaq qyzy Álııanyń óneri qaıta qara­lyp, upaılary joǵarylatylǵanyn kózimiz kórdi. Bázbir aǵaıyndar arasynda Álııanyń úlken sportpen salta­natty qoshtasatyndyǵy sóz bol­ǵanda “ol altyn medal alǵan emes, ondaı qurmet ne kerek” degenderi de bolǵan. Munymyz da pendeshilik. Kórkem gımnastıka­daǵy kórkem qyzymyz altyn ala almaı jatsa, sondaı alamanǵa yqpaldy ádilqazy daıyndaı almaı júrgen ózimiz kinálimiz. Elbasyǵa rahmet. Shymkentke kelip, sport saraıynda sport­shy­larmen kezdeskende “Álııa, men seniń jeńetinińe sendim” dedi. Oblys basshysyna Álııaǵa jeke gım­nastıka mektebin salý kerek­tigin aıtty. Álııa turmysqa shyq­qanda Týrızm jáne sport mı­nıstri Temir­han Dosmuhambetov toıǵa arnaıy kelip, Elbasynyń atynan avto­kóliktiń kiltin usyn­dy. Álııa­nyń baǵasyn bilý degen osy. 2006 jyl. Katar. Dohada Azııa oıyndarynyń baıraqty básekesi qyzyp jatyr. Aq kóılegi qyzyl tobyǵyn jaýyp júretin, aýzynan allasy túspeıtin arabtar etegine súri­nip júretindeı halde emes. Sport saraılary birinen-biri óter­­deı sándi, alyp túndigi báske tús­kenderdiń býynan jelp-jelp etedi. Qazaqtyń bota tirsek, bota kóz arýy Álııa Júsipova kórkem gım­nastıkanyń tórt túrinen ótken synynda bar altyndy bir ózi sy­pyryp aldy. Komandalyq esepte de Qazaqstandy alǵa shyǵarar­lyqtaı erlik jasady. Eki ókpemizdi qolymyzǵa alyp arasyn juqa shatyr bólgen kúres zalyna asyqtyq. Roman Meleshın aqtyq synda aıqasyp jatqan edi. Bir kezde aıqaı-shýdy tunshyq­ty­ryp Qazaqstanyń ánurany oınal­dy. Álııanyń qurmetine. Álııanyń úzeńgiles serikteriniń qurmetine. Osy kezde Roman tórttaǵandap jatqan qarsylasyn jerden qap kótergendeı salaqtatyp julyp aldy. Sheke tamyrlary bileýlenip sál turdy da oń jaq qaptalǵa bir-aq urdy. Roman Meleshın de Azııa oıyn­­darynyń jeńimpazy. Alyp saraı­dy qýanǵannan moıyny­myzǵa ilip keterdeı halde júrmiz. Sońynan Roman aıtty ǵoı. Qazaq­stannyń Ánuranyn estigende keý­deme alapat kúsh bitti dep. Solaı. Álııa ózi ǵana altyn alyp qoımaı serikterine jáne Shyǵystyń balýa­nyna da altyn ustatqan. Sol Álııa, Azııanyń eki dúrkin absolıýttik chempıony, Azııa oıyn­darynyń jeńimpazy, Qazaqstan­nyń on dúrkin chempıony, Afına Olımpıadasynda tórtinshi, Beı­jińde besinshi oryn alǵan, talaı halyqaralyq týrnırlerde márege mańdaıy jarqyrap dara kelgen Álııa Júsipova úlken sportpen qoshtasty. Shymkenttegi Qajymuqan atyn­­­daǵy stadıonǵa halyq kóp jınaldy. Dańqty qyzyn atyna saı shyǵaryp salý úshin. Oblys­tyq máslıhattyń hatshysy Ábil­qasym Dosbolov aǵasy quttyqtap, oblys ákimdigi atynan avtokólik kiltin usyndy. Týrızm jáne sport mı­nıstr­ligi Sport komıtetiniń tóraǵasy Elsııar Qanaǵatov UOK-tiń “Al­tyn” orde­nin tabys etti. Álııa oqy­ǵan M.Áýe­zov atyn­daǵy OQMÝ rektory, akademık Ýálıhan Bı­shim­baev Álııa Júsi­povaǵa arnaıy ashylǵan kórkem gım­nastıka mek­tebiniń kiltin usyndy. Tuńǵysh ret kórkem gımnastı­kadan ótkizilip otyrǵan halyqara­lyq týrnırge Álııanyń úlken sportta básekelesi, bylaıǵy ómir­de dosy bolǵan álem chempıony Olga Kapranova ónerin kórsetti. Álııanyń qurmeti úshin. Oblystyq sport jáne dene tárbıesi basqar­masynyń bastyǵy Bolat Qyryq­baev halyqaralyq týrnır óz má­nin­de ótý úshin kóp jumys ja­sa­dy. Oıdaǵydaı ótkizdi. Álııa Júsipovanyń gımnastıka zalynda 11 komanda arasynda ótken týrnır tartysty boldy. 2000-2001 jyly dúnıege kelgender arasynda Mádına Nurǵalı (Qara­ǵandy qalasy) birinshi oryn alsa, ekinshi oryndy Dıera Hakımova (О́zbekstan), úshinshi oryndy Arý­jan Ánýarova (Taraz) jeńip aldy. 1998-1999 jylǵylar arasynda bas júlde reseılik Iýlııa Bravıkovaǵa buıyrdy. 1996-1997 jylǵylar ara­syndaǵy jarysta taǵy da Reseı qyzdary daralandy. Iýlııa Nı­kol­skaıa – altyn, Darıa Kolo­bova qola medal aldy. Astanalyq Álııa Asylova kúmis medaldi enshiledi. Álııa Júsipova búginde Qazaq­stan quramasynyń aǵa jattyq­tyrý­shysy. Ádil qazylardan qysas­tyqty kóp kórgen qyzymyz halyqaralyq tóreshi sertıfı­katyn aldy. Qudaı qos kórse, kórkem gımnastıkadaǵy sportshy­larymyzǵa bas-kóz bolady. – Azdy-kópti eńbegimdi es­ke­rip, saltanatpen shyǵaryp sa­lyp otyr­ǵan aǵalarymyzǵa, hal­qy­myzǵa rah­met, – dedi ol. – Biraq, men sport­tan túbegeıli ket­ken joqpyn. Aǵa jattyq­tyrýshy retinde shákirt­terimizdiń Otany­myz­ǵa jeńis syılaýyna úles qosamyz. Bos sózge, qur maqtanǵa tabıǵa­ty kelmeıtin kórkem gımnastıka­myzdyń prımasy osylaı dedi. Múmkin, ustazy Irına Vınner sııaqty Olımp bıigine shákirtin ózi jetelep shyǵar kúnderge de jeter­miz. Ondaı erlik aldynda Álııa men Mánshúkteı Batyr apa­lary bar Álııanyń qolynan keledi. Baqtııar TAIJAN, ShYMKENT.