«QR Syrtqy ister mınıstrligi 52 shet memlekette 65 ýchaskelik referendým komıssııasyn qurdy. Atalǵan komıssııalardyń barlyq 325 múshesi qashyqtan oqytýdan ótip, Respýblıkalyq referendýmnyń quqyqtyq negizderi men referendým komıssııalarynyń jumysyn uıymdastyrý baǵdarlamasy boıynsha arnaýly testileýden ótti. Qazirgi ýaqytta shetelden usynylǵan belsendi daýys berý quqyqtary bar shet elderde júrgen Qazaqstan azamattarynyń aldyn ala tiziminiń negizinde saılaýshylarymyzdyń sany shamamen 11 350 adamdy quraıdy», dedi ol Ortalyq saılaý komıssııasynyń otyrysynda.
Onyń atap ótýinshe, mınıstrlik sheteldegi barlyq ýchaskelermen baılanys ornatqan. Daýys berý bıýletenderi jetkizilip jatyr.
«Gonkong, Shanhaıdaǵy jaǵdaıǵa baılanysty bıýletenderdi DHL kýrerlik qyzmeti arqyly jetkizdik. Túrikmenstanǵa demalystan oralatyn Túrikmenbashy qalasyndaǵy konsýl arqyly jetkizildi. Qalǵan 61 ýchaskege bizdiń qyzmetkerlerimiz dıplomatııalyq kýrermen issaparǵa baryp, jetkizdi. Qazirgi ýaqytta 55 ýchaskemiz qajetti materıaldardy aldy. Qalǵan ýchaskelerge bıýlleten búgin tolyq jetkiziledi dep otyrmyz», dedi Jalǵas Ádilbaev.
