Bilim • 03 Maýsym, 2022

Memlekettik tapsyrys alatyn balabaqshalarǵa talap kúsheıedi

49 ret kórsetildi

Memlekettik tapsyrysty burynǵydaı bilim basqarmalary bólmeıdi, ata-analar tańdaýy boıynsha beriledi. Bilim jáne ǵylym mınıstri Ashat Aımaǵambetov áleýmettik jelidegi paraqshasynda jańa normalardyń negizgilerin atap kórsetti, dep habarlaıdy Egemen.kz.

«Birinshi, tárbıeshiler men basqa da pedagogterdiń biliktiligine jáne bilimine qatysty talaptar engizildi. Ekinshi, jumys isteıtin tárbıeshiler boıynsha úlgilik shtat normatıvin saqtaý talaby engizildi. Mysaly, bir muǵalim kúni boıy 50 balamen jumys isteı alatyn tájirıbeden bas tartý, sany 25-ten aspaýy tıis», dep jazady mınıstr.

Sondaı-aq beınekameralar ornatylýy mindetti jáne balabaqsha ǵımarattary men úı-jaılary sanıtarlyq normalarǵa, órt qaýipsizdigi talaptaryna tolyq sáıkes bolýy qajet.

«Sonymen qatar bilim basqarmalaryna memlekettik tapsyrys ornalastyrylǵanǵa deıin balabaqshalardyń jumysymen jáne onda jasalǵan jaǵdaılarmen tanysý quqyǵy beriledi. Sybaılas jemqorlyqqa jol bermeý maqsatynda mundaı monıtorıng balabaqshalar qaýymdastyǵy jáne qoǵam ókilderiniń qatysýymen ǵana júrgiziledi», deıdi Ashat Aımaǵambetov.

Taǵy bir jańalyq – bilim basqarmalary balabaqshalarǵa memlekettik tapsyrystardy bólý múmkindiginen aıyrylady. Endi jalpy talaptarǵa saı keletin balabaqshalardyń tizimi ázirlenip, ata-analar odan mekemeni ózderi tańdaı alady.

«Demek, memlekettik tapsyrys ata-analar tańdaǵan balabaqshalarǵa jiberiledi. Boljam boıynsha, bul básekelestikti arttyryp, balabaqshalardyń sapasyn jaqsartady jáne sybaılas jemqorlyq táýekelderin azaıtady», dep senimdilik bildirdi mınıstr.

Sondaı-aq vedomstvo basshysy jumys 4 negizgi baǵyt boıynsha júretinin jetkizdi.

«Lısenzııalaýdy qaıtarý. Jumys jaǵdaıy men sapasyn tekserip, barlyq balabaqshany attestasııadan ótkizý. Mektepke deıingi mekeme qyzmetkerleriniń kadrlyq áleýetin, kolledjder men JOO-larda mamandardy daıarlaý sapasyn arttyrý. Mektepke deıingi bilim berýdiń jańa modeli boıynsha baǵdarlamalardyń mazmunyn jańartý», dep túıindeıdi Ashat Aımaǵambetov.

 

Sońǵy jańalyqtar

Pavlodarda jer astynan sý atqylady

Aımaqtar • Búgin, 14:25

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

Uqsas jańalyqtar