«Basty maqsat - elimizdi odan ári demokratııalandyrý, halyqtyń memleketti basqarý isine qatysý múmkindigin keńeıtý, sondaı-aq úkimettiń tıimdiligin arttyrý. Bul ózgeristi tolyq júzege asyrsaq, yqpaldy parlamenti bar prezıdenttik respýblıka úlgisine bir jola kóshemiz. Konstıtýsııalyq reforma adam quqyqtary men bostandyqtaryn qorǵaý júıesin barynsha kúsheıtedi.
Sonymen birge, elimizdegi saıası básekeniń ádil jáne ashyq bolýyn qamtamasyz etedi. Biz Ata Zańymyzdyń 30-dan astam babyna ózgeris engizgeli otyrmyz. Onyń bári azamattarymyzdyń múddesine tolyq saı keledi. Osylaısha, memleketimizdi túbegeıli jańǵyrtamyz. Sol arqyly ekinshi respýblıkanyń negizin qalaımyz», dedi Toqaev halyqqa úndeýinde.
