«Qoljetimdi sport» jobasy qala turǵyndaryn ártúrli sport túrlerine úıretýge baǵyttalǵan, sondaı-aq osy sport túrleri boıynsha sport seksııalaryna tegin qatysýǵa múmkindik beredi.
Atalmysh joba alǵash ret óz jumysyn qazan aıynyń basynda Nur-Sultan qalasynda bastaý aldy.
Joba 2021 jyldyń jeltoqsan aıynyń sońyna deıin jalǵasyp, 20 myńǵa jýyq elorda turǵynyn qamtydy.
2022 jyldyń sáýir aıynan bastap joba Qazaqstannyń 7 qalasynda óz esigin qaıta ashty. Olar Nur-Sultan, Almaty, Shymkent, Semeı, Petropavl, Aqtaý jáne Taldyqorǵan qalalary.
Mádenıet jáne sport mınıstrliginiń bastamasy men qoldaýynyń arqasynda qala turǵyndary úshin barlyq sabaqtar tegin ótedi.
Elimizdiń 7 qalasynyń turǵyndary úshin kelesi sport túrleri qoljetimdi:
Skandınavııalyq júris
Júgirý
Karate
Ústel tennısi
Fıtnes
Sport zaldarynda fıtnes, ústel tennısi jáne karate sabaqtary uıymdastyrylǵan. Júgirý jáne skandınavııalyq júris qalalardyń saıabaqtary men tynym baqtarynda ótedi.
Oqytýdy bilikti nusqaýshylar men jattyqtyrýshylar júrgizedi.
Ár qalada jattyǵý ótkiziletin árbir sport túrinen 2-den 6-ǵa deıin oryn tańdaldy. Bir sabaqtyń uzaqtyǵy 1,5 saǵat.
Jobaǵa qatysý úshin jas shekteýleri bar:
Skandınavııalyq júris 18 jastan bastap
Fıtnes 18 jastan bastap
Zaldardaǵy ústel tennısi 18 jastan bastap
Karate, júgirý 7 jastan bastap
Jobanyń sabaq kestesi, joba týraly naqty aqparattar, habarlandyrýlar jáne foto/beıne esepter jobanyń Instagram @dostupnyi_sportkz paraqshasynda turaqty túrde jarııalanady.
Mamyr aıynan bastap barlyq fıtnes jáne karate sabaqtary sport zaldarynan 4 qalanyń saıabaqtaryna kóshti: Almaty, Aqtaý, Shymkent, Taldyqorǵan.
22 sáýirden bastap «Qoljetimdi sport» jobasy boıynsha barlyq aqparatty bilýge jáne sabaqtarǵa jazylýǵa bolatyn senim telefony jumys isteıdi: +7 707 618 43 43.
Operatorlar qońyraýlardy aptasyna 7 kún 09:00-den 21:00-ge deıin qabyldaıdy.
