Kezdesýde depýtattar referendým jaıly pikirlerimen bólisti, ǵalymdardyń lebizin tyńdady, sondaı-aq jańa Qazaqstandy birge qurýǵa shaqyrdy.
Kezdesý barysynda sóz alǵan senator Beıbit Isabaev sońǵy birer el kóleminde kezdesýler ótkenin, sońǵysy Almatyda ótip jatqanyn, erteń túsindirme jumystary toqtatylǵanyn tilge tıek etip ótti. Senator aıtyp ótkendeı, eldiń bas qujatyna engizgeli turǵan ózgeristerde eki-úsh másele bir-birine jaqyn. Bul ózgerister saıası bılik júıesinde tepe-teńdikti qalyptastyrý. Bul ózgerister memleket basshysynyń quziretin Parlamentke berýden bastalady. Bul Parlamenttiń ókilettiligin kúsheıtýge jol ashady.
«Sońǵy onjyldyqtardaǵy jaǵdaı júıeli problemalar jıyntyǵyn kúrdelendirip jiberdi. Saıası ekonomıkalyq básekelestik bolmady. Ekonomıka tizgini belgili bir toptyń baqylaýynda boldy. Bul kemshilikterdi biz kórdik. Konstıtýsııalyq ózgerister zańdy ózgertýden bastalady. Al zańnyń atasy – Konstıtýsııa. Referendýmnan keıin 50- 60 zańǵa ózgerister enedi, 200-den asa zań kúshi bar qujattarǵa qol qoıylady. Osynyń bári jyldyń aıaǵyna deıin júzege asýy tıis» dep atap ótti senator B. Isabaev.
B. Isabaevtyń aıtýynsha, halyq ta, memleket te tańdaý aıryǵynda tur. Eger, qoǵamnyń jańarýyn qalasaq, tym bolmasa Baltyq jaǵalaýyndaǵy elder sııaqty zańǵa moıynsunǵan el bolýdy qalasaq, balalarymyzdyń bolashaǵyn oılasaq, ózgeristerdi qoldap, daýys berýimiz kerek. Bul ózgeris eldiń damýyn jańa baǵytqa, jańa platformaǵa burady.
B. Isabaev aıtyp ótkendeı, referendýmnyń oń nátıjesinen keıin birden zaman ózgerip ketedi dep senýge bolmaıdy. Bizdi eski men jańanyń teke-tiresi kútip tur. Halyq endigi jerde burynǵysha ómir súrýdi qalamaıdy, al bılik pen baılyqty ýysynda ustap kelgender qolyndaǵysynan ajyraǵysy kelmeıdi. Olar da tynysh jatpaıdy. «Bizdi bul tartysta halyqtyń aýyz birligi ǵana tyǵyryqtan alyp shyǵady. Bul jaǵdaıda ǵylymı orta jaqsy túsinip otyr. Bul ózgerister bizdiń halqymyzǵa berilip otyrǵan tarıhı múmkindik Konstıtýsııadaǵy ózgerister memleket basshysy Qasym-Jomart Toqaevtyń mandaty. Bul mandat qoǵamdy ózgertýge, ádil, jańa qoǵam ornatýǵa kepildik beredi. Bul múmkindikti ýystan shyǵaryp alsaq, eski súrleýge qaıta oralamyz. Mundaı jaǵdaıda eshkimdi kinálamaımyz, jáne ókpe artý da kesh bolady» dep sózin túıindedi B. Isabaev.
Otyrys barysynda senator Aqylbek Kúrishbaev ózgerister parlamenttik memleketke ótýdiń alǵashqy qadamy ekenin aıtty. Halyqtyń tańdaýy boıynsha ózgeris engiziletin Ata Zań parlamenttik memleket, demokratııalyq el ekenimizdi kýálandyratyn basty tólqujat bolady. Referendýmǵa qatysýshylar daýys berý kúnine deıin Konstıtýsııanyń ózgeris engiziletin 33 babyn oqyp, ondaǵy 56 ózgeris týraly bilýi kerek. «Konstıtýsııalyq ózgeristerimizdiń bári jan-jaqty taldandy, zańgerler, qoǵamdyq ınstıtýttar qarady. Eń bastysy, bul ózgerister eń damyǵan memleketterdiń Konstıtýsııasyna sáıkes keledi. Biz sol demokratııalyq elderdiń jolymen kele jatyrmyz. Men osy tusta Ońtústik Koreıany tájirıbesine nazar aýdarǵym keledi. Sýper prezıdenttik memleketten parlamenti myqty memleketke aınaldy. Shyǵys Eýropa, Baltyq jaǵalaýy elderi de osyndaı Konstıtýsııamen kele jatyr. «Konstıtýsııamyz, memleketimizdiń temirqazyǵy. Aldymen sol qazyqty túzep alýymyz kerek. Sondyqtan qazirgi ózgerister soǵan tikeleı baılanysty. Negizin durystaǵan soń qoǵamda da, ekonomıkada da oń ózgerister bolady», dep sózin túıindedi sózin senator Aqylbek Kúrishbaev.
