Qalalyq-aýmaqtyq, referendým komıssııasynyń tóraǵasy Qaıyrbek Qunanbaevtyń aıtýynsha, úshinshi megapolıste 311 referendým ýchaskesinde daýys berý quqyǵyna ıe 631 133 saılaýshy tirkelgen. Al referendým ýchaskesine alǵashqylardyń biri bolyp, ıaǵnı tańǵy saǵat 7-00 de kelgen Eńbekshi aýdanynyń turǵyny, tyl ardageri О́rken Ábdreev Qazaqstannyń bolashaǵy úshin óziniń tańdaýyn №142 referendým ýchaskesinde jasady. Qarııa Ánurandy ýchaskelik komıssııamen birge shyrqady.
Shymkent qalasynyń ákimi Murat Áıtenov «Túrkistan» saraıynda ornalasqan №231 referendým ýchaskesine kelip, óz daýsyn berdi.
