Tańǵy saǵat 7-de Mańǵystaý oblysy boıynsha QAJ departamentiniń GM-172/10 mekemesinde 39 saılaý ýchaskesi ashyldy. Dástúr boıynsha ýchaskede birinshi bolyp Qazaqstannyń ánurany shyrqaldy.
«Qazaqstan Respýblıkasyndaǵy saılaý týraly «Zańǵa sáıkes, tergeý ızolıatorlarynda otyrǵan, úkimi zańdy kúshine enbegen QR kámeletke tolǵan azamattary saılaý quqyǵyna ıe. Mańǵystaý tergeý ızolıatorynda mundaı quqyqqa sot úkimi zańdy kúshine enbegen jáne tergeýge qamaýǵa alynǵan adamdar ıe. Búkil prosess bir jarym saǵatty aldy», dedi GM-172/10 mekemesi bastyǵynyń orynbasary Azat Orynbasarov.
Aıta keteıik, tergeý ızolıatorlarynda referendým ótkizý úshin barlyq jaǵdaı jasalǵan - daýys berýge arnalǵan jáshikter men kabınalar, sondaı-aq jadynamalar, broshıýralar, keńse kerek-jaraqtary usynylǵan.
