2022 jyldyń 4-5 maýsym aralyǵynda, Fransııanyń Parıj qalasynda shetelde turatyn otandastarymyzdyń qatysýymen Eýropa qazaqtarynyń kezdesý-quryltaıy ótti. Shara QR Fransııadaǵy elshiligi men Fransııadaǵy Qazaq-Túrik qoǵamy, sonymen qatar «Otandastar qory» QeAQ-nyń atsalysýymen uıymdastyrylǵan.
Kezdesý-quryltaıdyń resmı ashylýy Eýropa elderi men Qazaqstannan kelgen komandalar arasyndaǵy fýtbol oıyndarynyń ótýimen bastaý aldy. Toǵyz eldiń namysyn qorǵaǵan 13 komanda ózara myqtyny anyqtady. Atap aıtqanda, Parıjden – 4, Berlınnen – 1, Kelnnan – 1, Mıýnhennen – 1, Venadan – 1, Túrkııadan – 1, Qazaqstannan – 3 jáne Gollandııadan – 1 komanda fýtbol alańynda bas qosty.
Ashylý saltanatynda Garges-Les-Gonesse qalasynyń mery Benoit Jimenez ben «Otandastar qory» QeAQnyń prezıdenti Abzal Saparbekuly sóz sóılep, ár qomandaǵa sáttilik tiledi. Oıyn barysynda Qazaqstan elinen kelgen «Almaty» komandasy men «Parıj - 1» komandasy fınalǵa shyǵyp, doda sońynda Almaty komandasy jeńiske jetti.
