Tatýlyq týyn tikken jer

«Altaý ala bolsa, aýyzdaǵy ketedi. Tórteý túgel bolsa, tóbedegi keledi» degen dana­­­lyq sózdi qazaq halqy aıtqan. Mun­daı sózdi tatýlyqtyń tamyryn tereń túsine­tin, birliktiń parqyn ózgeden jaqsy biletin, tutastyqtyń paıdasyn uǵynatyn el ǵana aıta alady. Al qazaq halqy – ejelden turaq­tylyq pen tatýlyqty tý etken el. Olaı bolmaǵan jaǵdaıda, búginde Qazaqstandy meken etken ózge ult pen ulystyń ókilderi bul jerde turaqtap qalmas edi. Osyndaı dostyq peıildiń arqasynda ózge etnos ókilderi Qazaqstandy týǵan otany sanaıdy. О́tken aptanyń sońynda Qazaqstan halqy Assambleıasynyń HHI sessııa­sy ótti. Elbasy, Qazaqstan halqy Assambleıasynyń Tóraǵasy Nursultan Nazarbaev baıandama jasady. Prezıdent sózin asa úlken yntamen tyńdadyq. Nursultan Ábishuly elimizde qalyp­­­­­­­­tas­qan turaqtylyq pen tynyshtyqty saqtaý úshin jeti túrli qundylyqty bas­shylyqqa alý kerektigin kóldeneń tartty. Al osy qundylyqtardyń ishindegi eń ma­ńyzdysy retinde halqymyzdyń bir­ligin atady. «Etnostyq, tildik, dinı jáne áleý­mettik aıyrmashylyǵyna qara­­mas­tan, búkil qazaqstandyqtar teń quqy­ly. Bizde qysym jasaýdyń kez kelgen túrine, beıbitshilik pen kelisimge qol­suǵý­shylyqtyń kez kelgenine meılin­she jol joq jáne ol zańmen qatań qýda­lanady», dedi Elbasy. О́z basym Mem­leket basshysynyń osy sózin barsha qazaq­standyqtardyń beıbit ómir súrýi úshin jasalǵan kepildik retinde qabyl­dadym. – Qazaqstanda memlekettik tildiń róli, orys tiliniń resmı mártebesi jáne barlyq etnostar men olardyń mádenıetteriniń teń jaǵdaıda damýy týraly másele sheshimin tapqan. Bıyl bizdegi tilder týraly alǵashqy zańǵa 25 jyl tolady. Bolashaqta búkil azamattardyń memlekettik tildi bilýi bizdi burynǵydan beter teńdestirip, birlikti nyǵaıta túsedi. Mine, shırek ǵasyr­dan beri biz til saıasatynda aıqyn baǵyt­pen kelemiz – memlekettik tildi birtin­dep damytýdamyz jáne búkil etnostar tilderi­niń damýy úshin jaǵdaılar jasaýdamyz. Búginde turǵyndarynyń kópshiligi kem degende eki tilde sóıleıtin jáne oılaıtyn elder kóp emes,– dedi Nursultan Nazar­baev. Bul Qazaqstanda til men dinge qatys­ty, salt pen dástúrge baılanysty, árbir ult pen ulystyń mádenı-rýhanı ómirine oraı eshqandaı alaýyzdyqtyń joqty­ǵyn aı­qyndaıdy. Bárine birdeı jaǵdaı jasal­ǵan. Al memlekettik tilimizdiń órkendeýine óz­ge etnostardyń barlyǵy múddeli bolýy ke­rek. О́ıtkeni, ol – bizdiń memleketimizdiń tili. Sonymen qatar, Prezıdent turaq­­­ty­lyq pen kelisim árbir ákimniń kúndelikti jumysynyń eń basty baǵdary bolýy kerek dep atap kórsetti. Saıyp kelgende, Pre­zıdenttiń eń basty maqsaty elimizdegi ty­nyshtyq pen turaqtylyqty myzǵymas­taı saqtaý ekendigi kórinip tur­dy. Assambleıa músheleriniń bári de osy iske qoldarynan kelgen kómegin jasap, Prezıd­ent­tiń kómekshileri bolýy kerek dep oılaı­myn. Sony árbir Assambleıa múshesi túsinýge tıis. Lıýdmıla LI, oblystyq «Lev ami» evreı qoǵamdyq-mádenı birlestiginiń jetekshisi. QYZYLORDA.