Álem bizden ónege alady

Elbasy Nursultan Nazarbaev Qazaqstan halqy Assambleıasynyń kezekti sessııasynda «Damýdyń syry – birlikte, Tabystyń syry –tirlikte». Muratqa jolyn tapqan jetedi. Eńbegimizdiń janbaǵy bizdiń ortaq úıimizdi beıbitshiliktiń besigi etip, bardy baǵalaı bilýi­mizge baılanysty. Qazaqty qasıetti qarashańyraqqa balasaq, elimizdegi barsha etnostar – sol shańyraqqa shanshylǵan ýyqtar. Ortaq ordamyz – Qazaqstannyń bosaǵasyn berik, shańyraǵyn bıik ustap, tútinin túzý ushyrý – eldik maqsat», dep oryndy pikir aıtty. Shyndyǵy da solaı, bizdiń basty maqsatymyz bireý, ol –Qazaqstandaǵy ultaralyq tatý­­­lyqty saqtaý, elimizdi álemdegi eń ozyq 30 eldiń qataryna engizý. Táýelsiz Qazaqstandy Otanym dep biletin, otandyq ekonomıkanyń qaryshty qarqynmen órkendeýine óziniń úlesin qosqysy keletin shynaıy patrıottar osynaý uly maqsat jolyn ustanady. Biz elimizdegi tatýlyqty, ekonomıkalyq órkendeýdi eshteńege aıyrbastamaımyz. Bireýler baılyq jıyp, shetel asyp, endi bireýler tarıhı Otanyna ketip jatqanda da Qazaqstandy óziniń qutty mekenine balaǵan bolgarlar údere kóshýdi oılaǵan joq. О́ıtkeni, kindik kes­ken, ósip-óngen elden qymbat el bola ma eken? Dál qazir men úshin tatýlyq mekenine aınalǵan bir ǵana el bar. Ol – Qazaqstan. Elbasy oryn­dy atap kórsetkendeı, Qazaq­stannyń qýatty elge aına­lýy­nyń eń basty syry – kóp ultty halqymyzdyń birliginde. Biz­diń birligimiz álemdegi barsha elge ónege bolyp otyr. Jahan jur­ty Qazaqstandaǵy tatýlyqqa qyzyǵyp ta qaraıdy, qyzǵanyp ta qaraıdy. Biz ultaralyq birligimizdi saqtap, urpaqtan urpaqqa jetkize bilýimiz qajet dep oılaımyn. Mine, osy oraıda aldaǵy jyldyń Qazaqstan halqy Assambleıasynyń jyly bolyp belgilenýiniń ózi yntymaǵymyzdy yrysty etýge, birligimizdi baıandy etýge yqpal etedi. Qazaqstan halqy Assam­bleıa­synyń elimizdegi ultaralyq tatýlyqty odan ári bekite túsýdiń basty tetigi bolǵanyna álem elderi nazar aýdaryp otyr. О́ıtkeni, Qazaqstannan ózge birde-bir elde turaqtylyqty bekemdeıtin dál osyndaı qoǵamdyq uıym joq. Birlikti saqtaý arqyly biz álemge ónege kórsettik. Iýrıı KÝSTADINChEV, «Vozrojdenıe» bolgar etnomádenı birlestiginiń jetekshisi. Atyraý oblysy.