Artýsh KARAPETIаN, armıan etnomádenı birlestiginiń tóraǵasy:
– Assambleıa sessııasy barshamyzdyń basymyzdy qosatyn úlken mereke ispetti. Árıne, Assambleıa jumysyn aıtar bolsam, onyń halqymyzdy judyryqsha jumyldyra alatyn bedelge ıe bolyp otyrǵany kúmánsiz. Keıbir alys-jaqyn shet memleketterdegi jaǵdaıǵa qarap, Prezıdentimizdiń sarabdal saıasatyna kóz jetkizesiń.
Halyqtyń birligi kez kelgen qarýyńnan, tipti, syrttan keletin qaýipten de kúshti. Baıaǵyda Naýryz merekesin burysh-buryshta óz betimizshe toılaıtynbyz, qazir elimizdegi barlyq etnos ókilderi bolyp birigip toılaıtyn kúnge jettik. Sońǵy armıan qoǵamy uıymdastyrǵan Naýryz merekesine kóptegen etnos ókilderiniń kelýi sol sózimniń rastyǵyn bildiredi.
Ergeshbaı QOLMETOV, Qostanaı oblystyq tájik-ózbek etnomádenı birlestiginiń tóraǵasy:
– О́ńirimizden sessııaǵa 27 delegat kelse, sonyń 18-i QHA múshesi bolyp tabylady. Jalpy, oblysta 18 etnomádenı birlestik jumys istep tur. Onyń barlyǵy da Elbasynyń alǵa qoıǵan mindetterine erekshe yqylas tanytyp keledi. Jáne de sessııanyń «Qazaqstan-2050» Strategııasy: beıbitshilik, rýhanııat jáne kelisim mádenıeti» dep atalýynyń ózi elimizdiń eń órkenıetti 30 eldiń qataryna qosylý maqsatynan týyndap otyrǵandyǵyna esh kúmán joq.
Árıne, eń aldymen beıbitshilikti saqtaı bilýimiz qajet. Ol bolǵan jerde bereke de bolaryn ýaqyttyń ózi aınalamyzdaǵy jaǵdaılardan talaı dáleldedi de. Meniń aıtpaǵym, ártúrli etnostan bolsaq ta, tilegimiz bar. Ártúrli tilimiz bolǵanymen, júregimiz bir. Sondyqtan da birlikte, tatýlyqta ómir súrýdemiz.
Zere KIIKOVA, Aqmola oblystyq Qazaqstan halqy Assambleıasy janyndaǵy Analar keńesiniń tóraıymy:
– Assambleıa elimizdegi turaqtylyqty, tatýlyq pen dostyqty qalyptastyryp keledi. Jalpy, bul qasıetterdiń barlyǵy bizdiń qanymyzda bar. Analar keńesine saılanǵaly beri qyzdardyń tárbıesine erekshe kóńil bólip kelemin. Biz óńirimizdegi kóptegen etnomádenı birlestiktermen baılanys ornatyp, jaqsy dástúrlerdi qyzdarymyzdyń boıyna sińirýge atsalysyp júrmiz.
Budan ózge, oblysta «Shańyraq» degen mektep jumys istese, onda ártúrli etnos ókilderi óz ana tilderimen qatar, memlekettik tildi de erkin meńgerýge talaptanyp júr. Til arqyly qazaqtyń tarıhy men mádenıetin tereń bilýge bolatynyn jaqsy túısinýde. Elimizdegi tynyshtyq pen tatýlyq, mine, osyndaı ıgi sharalar arqyly ornaıtynyna kóz jetkizip kelemiz.
Iýsýp ShAHShAEV, Mańǵystaý oblystyq «Halyqtyq kelisim» qoǵamdyq birlestiginiń tóraǵasy:
– Tek kelisim mádenıeti men beıbitshilik arqyly biz Elbasy alǵa qoıǵan mindetterge qol jetkize alamyz. Qazirgi meje etip otyrǵan 30 aldyńǵy qatarly elderdiń qatarynan ǵana emes, tipti, ondyqtyń ishinen kórinsek te onyń barlyǵy óz qolymyzda.
Qazaqtar «Birlik bar jerde tirlik bar» dep beker aıtpasa kerek. Ony biz alys-jaqyn shet memleketterdegi jaǵdaılardan anyq kórip otyrmyz. Sondyqtan da, biz óz óńirimizde «Halyqtyq kelisim» qoǵamdyq birlestigin quryp, oǵan 20-ǵa jýyq etnomádenı birlestikti tarta bildik. Sóıtip, biz óskeleń urpaqqa órkenıetti eldi qaldyrýdy maqsat tutyp otyrmyz. Bul rette qazaq halqynyń barlyq etnos ókilderin biriktirýshi dińgek ekenin erekshe aıta ketkim keledi.
Magomed LORSANOV, «Vaınah» cheshen-ıngýsh etnomádenı birlestiginiń tóraǵasy:
– Eger birlik bolmasa, onda ol elde tártipsizdik ornaıdy. Keıbir shetelderdegi jaǵdaı soǵan mysal bola alady. Buryndary búginde ultaralyq janjaldar ýshyǵyp turǵan kóptegen elder tatýlyq pen birlikte ómir súrgen joq pa edi, endi barlyǵy da qaıda ketti. Sondyqtan da biz tatýlyǵymyzdy saqtaı bilýimiz kerek.
Qazaqstan halqy Assambleıasy Elbasymyzdyń týyndysy desek, sol ınstıtýtymyz qazir bizdi tatýlyqta tirshilik keshýge bastap otyr. Prezıdentimizdiń kóregen saıasatker ekenine osyndaıda kóz jetkize túsesiń. Qazaqstandaǵy beıbitshilik, rýhanııat jáne kelisim mádenıetiniń qalyptasýy osyndaı syndarly saıasattyń arqasy. Sondyqtan da barymyzdy qadirleı bilýimiz kerek.
ELBASY SО́ZI ERTEŃGI URPAQQA DA ULAǴAT
Shamsýlla HAIBÝLLAEV, Soltústik Qazaqstan oblysy «Soltústik Somanıon» tájik qoǵamdyq birlestigi tóraǵasynyń orynbasary.
Elbasynyń sessııada aıtqan sózin bar zeıinimdi salyp tyńdadym. Men búgin el bolamyz degen jurttyń qandaı tirshilik keshýiniń baǵdarlamasyn estidim. Osyny ózimizdiń birlestikterge, jumystastaryma, barlyq tanystaryma aıtýǵa asyqpyn. Ol kisiniń «Kelisim mádenıeti–máńgilik bolýy tıis» degen sózi búgingi Qazaqstan azamattaryna ǵana emes, erteńgi urpaqqa da arnalyp, solarǵa da baǵyttalyp aıtylǵan ulaǵat. Qazaqstanda qazir qaı etnostyń ókili joq, biraq bárimiz bir Otanymyzdyń ósip-órkendeýine eńbektenýdemiz. Men osyǵan maqtanyp, osyny aýyz toltyryp aıta alamyn.
Kúndelikti ómirden baıqaǵanym, bizder, qazaqstandyqtar patrıotpyz. Al eldi osyndaı birlikke uıytýda Qazaqstan halqy Assambleıasynyń atqarar róli erekshe. Men sessııaǵa alǵash ret qatystym. Alǵan áserimdi aýyz jetkizip aıta almaıtyn shyǵarmyn. Búgingi atmosfera, búgingi patrıottyq sezim kóńildi tasytyp jibergendeı. Elge barǵan soń kórgen-bilgenimdi, estigenimdi, Elbasynyń esti sózin bar jan-tánimmen jetkizemin.
QAZAQSTANDY DA, О́ZIN DE ÁLEMGE TANYTTY
Aleksandr VIKTORENKO, Reseı azamaty, ushqysh-ǵaryshker, Keńes Odaǵynyń Batyry, sessııa qonaǵy.
Men Soltústik Qazaqstanda týyp-óstim. 18 jyl tabanym qazaq topyraǵyn ıiskep, ushqysh bolamyn dep arman qýyp, Orynborǵa oqýǵa attandym. Ushqyshtyqtyń sońy ǵaryshkerlikke ulasty. 4 ret ǵaryshta bolyp, 1,5 jyl planetamyzdy ǵaryshtan tamashaladym. Qazir zeınetkermin. Elge jyl saıyn qydyryp kelip turamyn, osy joly dosym Anatolıı Bashmakovtyń shaqyrýymen Assambleıanyń sessııasyna qatystym.
Jalpy, Qazaqstanǵa qatysy bar syrttaǵy árbir jan elge qulaǵyn túrip júredi. Sol tárizdi meniń de júregimniń bir buryshynda týǵan Otanym – Qazaqstan turady. Men elimizde Qazaqstan halqy Assambleıasynyń jumys jasaıtynyn burynnan biletinmin, al osy joly onyń jumysyna qatysyp, kózben kórgenime qýanyshtymyn.
Men Prezıdent Nursultan Nazarbaevty óte qurmetteıtin janmyn. Árqashan onyń aıtqan sózderin úlken súısinispen tyńdaımyn. Ol eldi qıyndyqtardan alyp shyǵyp, qýatty memleket qurdy, ózin de, Qazaqstandy da álemge tanymal etti. Qazaqstandyqtar osy 22 jyldyń ishinde ózderiniń eńbeksúıgish, dostyqtyń týyn kókke kótergen rýhy myqty halyq ekenin álemge áıgiledi.
BÚGINGINIŃ BAǴASY ÝAQYT О́TE KELE ARTA BEREDI
Iýrıı IVLEV, Qostanaı oblystyq orys qoǵamynyń tóraǵasy.
Men shetelderge, kórshi Reseıge jolsaparmen barǵanymda ondaǵy jurt bizdegi tabysqa qyzyǵyp, onyń syry ne dep surap jatady. Qazaqstandyqtardyń ózgelerden ereksheligi – aldymen sharýany qolmen istep, sózdi ekinshi kezekke qoıatyny bolsa kerek. Elbasymyzdyń «Aldymen– ekonomıka, sosyn baryp saıasat» deýinde osyndaı syr bar ǵoı. Sol sekildi bizdiń birlestigimiz de birinshi kezekke isti qoıady.
Jalpy, Qazaqstan halqy Assambleıasy tájirıbesi úlken mektep. Munda da sóz emes, aldymen naqty jumys jatady. Batys álemi endi aıtyp júrgen áńgime Qazaqstanda 19 jyl boıyna jemisti is jasap keledi. Menińshe, Qazaqstannyń osy jyldar ishindegi alǵan asýlarynda Assambleıanyń úlesi mol.
Bizdiń búgingi atqarǵan isterimizdiń naqty baǵasy 50-60 jyldan keıin beriledi. 20 jylǵa jýyq ýaqyt ishinde biz neden bastadyq, qandaı jetistikterge jettik, ol jarty ǵasyrdan keıin zertteýshilerdiń muqııat zerdeler nysany bolady dep oılaımyn. Biz dál qazirgi kúni qandaı tarıhı kezeńde ómir súrgenimizdi sezinbeýimiz de múmkin, al keler urpaq onyń jemisin jep, aǵa býynǵa rızashylyǵyn aıtady dep shamalaımyn.
