Apatqa ekıpaj músheleri kináli sııaqty
Buqaralyq aqparat quraldary apatqa ushyraǵan ońtústikkoreıalyq «Sevol» paromynyń ekıpaj músheleri men jaǵalaý kúzeti qyzmeti arasynda bolǵan radıokelissózderdiń nusqasyn jarııalady.
Jarııalanǵan aqparattar boıynsha, apat kezinde kemede dúrbeleń oryn alǵan, al ekıpaj músheleri tótenshe jaǵdaıda naqty sheshim qabyldaýda qabiletsizdik tanytqan. Apat jóninde dabyl qaǵylǵannan keıin 29 mınýt ótkende, jaǵalaý kúzeti ekıpaj múshelerinen jolaýshylardyń barlyǵy qutqarý kókirekshesin kııý qajettigin ótingen. Al ekıpaj músheleriniń biri buǵan jaýap retinde evakýasııa jaǵdaıynda jaǵalaý kúzetiniń adamdardy qutqarýǵa múmkindigi bar ma, dep eki ret suraǵan kórinedi. Polısııa kemeniń apatqa ushyraǵan kezinde jolaýshylardyń týystarymen telefon arqyly sóılesken sózderine de taldaý júrgizip jatyr. «Sevol» paromy seısenbiden sársenbige qaraǵan túni apatqa ushyraǵan bolatyn.
Ushaq shassıindegi «jolaýshy»
On alty jastaǵy amerıkalyq jasóspirim ushaq shassıinde otyryp, Tynyq muhıtynyń jartysyn basyp ótken. Bul jóninde «Assosheıted press» agenttigi habarlady.
Jasóspirim qorshaý arqyly San-Hose (Kalıfornııa shtaty) áýejaıy aýmaǵyna asyp túsip, ushaq shassıine baryp jasyrynǵan. Sonda otyryp ol San-Hoseden Gavaıdaǵy Maýı áýejaıyna deıingi qashyqtyqty «ushyp» ótipti. Ushaq ottegi jetispeýshiligi qatty seziletin 11 shaqyrymdaı bıiktikte ushsa da, álgi bozbala tiri qalǵan. «Jolaýshyny» áýe kemesi kelip qonǵan Maýı áýejaıynyń qyzmetkerleri taýyp alyp, tıisti mekemege tapsyrǵan. Al jasóspirim bul áreketke úıinen qashyp shyqqan soń barǵan kórinedi.
Bir kósheni Pýtınniń atyna bermek
Bishkek turǵyny ortalyq kóshelerdiń birin Reseı prezıdenti Vladımır Pýtınniń atyna aýystyrýdy usyndy. Bul bastamanyń ıesi Qyrǵyzstannyń rejısseri Nurlan Abdykadyrov.
Rejısser óziniń ashyq hatynda V.Pýtındi «HHI ǵasyrdyń kórnekti saıası kóshbasshysy» dep ataǵan. Sondaı-aq, ol Reseı Qyrǵyz eliniń ekonomıkasyn damytýǵa yqpal etetindigin de aıtqan. Rejısser ashyq hatyn Qyrǵyzstan prezıdenti A.Atambaevtyń atyna arnapty. Bul bastamaǵa respýblıka basshylary qalaı qaraıtyny qazirge belgisiz.
Qyryq eki adam mert boldy
«Frans-press» agenttiginiń habarlaýynsha, Pákistannyń ońtústigindegi Sınd provınsııasynda bolǵan jol-kólik oqıǵasy saldarynan keminde 42 adam mert boldy.
Apattyq jaǵdaı Pano-Akıl qalasynyń mańyndaǵy kúrejoldyń shetinde turǵan júk kóligine jolaýshylar avtobýsynyń soǵylýynan oryn alǵan. Qurban bolǵandardyń kópshiligi áıelder men balalar eken. Jergilikti polısııanyń aqparattaryna qaraǵanda, 20-dan astam adam túrli jaraqattarmen aýrýhanaǵa jatqyzylǵan. Apatqa negizinen avtokólik jolynyń bir jolaǵyna jóndeý júrgizý úshin ýaqytsha jabylǵandyǵy sebep bolsa kerek. Bul elde avtokólik joldarynyń sapasyzdyǵynan jol-kólik oqıǵalary jıi bolyp turady.
Jırınovskıı jýrnalısterden keshirim surady
LDPR jetekshisi Vladımır Jırınovskıı jeksenbi kúni «Rossııa-1» telearnasynyń «Vladımır Solovevpen jeksenbilik kesh» baǵdarlamasy barysynda til tıgizip, balaǵattaǵan «Rossııa segodnıa» halyqaralyq aqparat agenttiginiń tilshisinen keshirim surady.
«Juma kúni Dýmada BAQ ókilderiniń suraqtaryna jaýap berý kezinde, bir qyzdyń qoıǵan suraǵyna óreskeldeý jaýap qaıtardym, – dedi V.Jırınovskıı. – Alǵashynda ony baıqamadym, sóıtsem, onyń aıaǵy aýyr eken. Men odan, sondaı-aq ózim renjitken adamdardyń barlyǵynan keshirim suraımyn». LDPR jetekshisi 18 sáýir kúni Memdýmanyń ǵımaratynda jýrnalıster aldyna shyǵyp, olardyń suraqtaryna jaýap qaıtarý kezinde, aldymen «Rossııa segodnıa» agenttiginiń tilshisine, odan keıin áriptesine bolysqan «Interfaks» agenttiginiń jýrnalısine dóreki sózder aıtqan edi. Osyǵan baılanysty parlamenttik jýrnalıster Memdýma spıkeri S.Naryshkınge Jırınovskııdiń áreketine baǵa berý jóninde úndeý joldaǵan bolatyn.
Basshysynan osylaı «kek» aldy
Chıý Sıan esimdi qytaılyq óziniń burynǵy jumys berýshisi Hýn Bınge sary jáne qara tústi 1130 tiri úırek balapanyn jibergen. Jergilikti basylymdardyń jazýynsha, onyń bul áreketi burynǵy basshysynyń onyń oryndaǵan jumysyna tıesili aqysyn bermegendigine kórsetken qarsylyǵy bolsa kerek.
Balapandardy jóneltpes buryn Chıý Sıan burynǵy basshysynyń kompanııasymen habarlasyp, óziniń esebinen tiri balapandardy jetkizip berýdi ótinipti. Biraq, ol ákelingen balapandar úshin esep aıyrysýdan bas tartqan. Polısııa shaqyrtýǵa týra kelgen. Quqyq qorǵaý organdarynyń ókilderimen áńgimeleskennen soń, Sıan balapandardy jetkizýge ketken shyǵyn aqysyn ǵana tólepti. Al Sıan óziniń osy áreketin májbúrlilik qadam dep túsindirgen.
Qysqa qaıyryp aıtqanda:
Ogaıo shtatynda 70 jylǵa jýyq nekede turǵan erli-zaıyptylar bir táýlikte, ıaǵnı shamamen 15 saǵattaı ýaqyt aralyǵynda ómirden ozdy. 91 jáne 92 jastaǵy Helen men Kennet Felýmlılerdiń jaryq dúnıeden ótýine qarttyq sebep bolǵan.
Uzaq jyldan beri Avstrııa quqyq qorǵaý organdarynyń izdestirýinde júrgen kúdikti Zalsbýrg qalasyndaǵy polısııa bólimshesine kelgen kezinde qolǵa tústi. 59 jastaǵy ol polısııa bólimshesine óziniń tergeýde júrgen-júrmegendigin bilý úshin bassuqsa kerek.
Belgorodtaǵy «Zapadnyı» bankiniń bólimshesin basyp alǵan qarýly adam onyń salymdaryn tóleýge kepildik berilgen soń, óz erkimen berildi. Osy bankte onyń 23 mıllıon rýbldi quraıtyn vekseli bar eken. Ol atalǵan bank lısenzııasynyń keri shaqyrtyp alynatynyn kúni buryn bilgen kórinedi.
Ońtústik Sýdandaǵy BUU bazasyna qarýly adamdardyń shabýyl jasaýy saldarynan 48 adam qurban bolyp, 60-tan astam adam zardap shekti. BUU janyndaǵy AQSh-tyń turaqty ókili muny «qarýsyz adamdarǵa jasalǵan jaýyzdyq» dep atady.
Internet materıaldary negizinde ázirlendi.
Buqaralyq aqparat quraldary apatqa ushyraǵan ońtústikkoreıalyq «Sevol» paromynyń ekıpaj músheleri men jaǵalaý kúzeti qyzmeti arasynda bolǵan radıokelissózderdiń nusqasyn jarııalady.
Jarııalanǵan aqparattar boıynsha, apat kezinde kemede dúrbeleń oryn alǵan, al ekıpaj músheleri tótenshe jaǵdaıda naqty sheshim qabyldaýda qabiletsizdik tanytqan. Apat jóninde dabyl qaǵylǵannan keıin 29 mınýt ótkende, jaǵalaý kúzeti ekıpaj múshelerinen jolaýshylardyń barlyǵy qutqarý kókirekshesin kııý qajettigin ótingen. Al ekıpaj músheleriniń biri buǵan jaýap retinde evakýasııa jaǵdaıynda jaǵalaý kúzetiniń adamdardy qutqarýǵa múmkindigi bar ma, dep eki ret suraǵan kórinedi. Polısııa kemeniń apatqa ushyraǵan kezinde jolaýshylardyń týystarymen telefon arqyly sóılesken sózderine de taldaý júrgizip jatyr. «Sevol» paromy seısenbiden sársenbige qaraǵan túni apatqa ushyraǵan bolatyn.
Ushaq shassıindegi «jolaýshy»
On alty jastaǵy amerıkalyq jasóspirim ushaq shassıinde otyryp, Tynyq muhıtynyń jartysyn basyp ótken. Bul jóninde «Assosheıted press» agenttigi habarlady.
Jasóspirim qorshaý arqyly San-Hose (Kalıfornııa shtaty) áýejaıy aýmaǵyna asyp túsip, ushaq shassıine baryp jasyrynǵan. Sonda otyryp ol San-Hoseden Gavaıdaǵy Maýı áýejaıyna deıingi qashyqtyqty «ushyp» ótipti. Ushaq ottegi jetispeýshiligi qatty seziletin 11 shaqyrymdaı bıiktikte ushsa da, álgi bozbala tiri qalǵan. «Jolaýshyny» áýe kemesi kelip qonǵan Maýı áýejaıynyń qyzmetkerleri taýyp alyp, tıisti mekemege tapsyrǵan. Al jasóspirim bul áreketke úıinen qashyp shyqqan soń barǵan kórinedi.
Bir kósheni Pýtınniń atyna bermek
Bishkek turǵyny ortalyq kóshelerdiń birin Reseı prezıdenti Vladımır Pýtınniń atyna aýystyrýdy usyndy. Bul bastamanyń ıesi Qyrǵyzstannyń rejısseri Nurlan Abdykadyrov.
Rejısser óziniń ashyq hatynda V.Pýtındi «HHI ǵasyrdyń kórnekti saıası kóshbasshysy» dep ataǵan. Sondaı-aq, ol Reseı Qyrǵyz eliniń ekonomıkasyn damytýǵa yqpal etetindigin de aıtqan. Rejısser ashyq hatyn Qyrǵyzstan prezıdenti A.Atambaevtyń atyna arnapty. Bul bastamaǵa respýblıka basshylary qalaı qaraıtyny qazirge belgisiz.
Qyryq eki adam mert boldy
«Frans-press» agenttiginiń habarlaýynsha, Pákistannyń ońtústigindegi Sınd provınsııasynda bolǵan jol-kólik oqıǵasy saldarynan keminde 42 adam mert boldy.
Apattyq jaǵdaı Pano-Akıl qalasynyń mańyndaǵy kúrejoldyń shetinde turǵan júk kóligine jolaýshylar avtobýsynyń soǵylýynan oryn alǵan. Qurban bolǵandardyń kópshiligi áıelder men balalar eken. Jergilikti polısııanyń aqparattaryna qaraǵanda, 20-dan astam adam túrli jaraqattarmen aýrýhanaǵa jatqyzylǵan. Apatqa negizinen avtokólik jolynyń bir jolaǵyna jóndeý júrgizý úshin ýaqytsha jabylǵandyǵy sebep bolsa kerek. Bul elde avtokólik joldarynyń sapasyzdyǵynan jol-kólik oqıǵalary jıi bolyp turady.
Jırınovskıı jýrnalısterden keshirim surady
LDPR jetekshisi Vladımır Jırınovskıı jeksenbi kúni «Rossııa-1» telearnasynyń «Vladımır Solovevpen jeksenbilik kesh» baǵdarlamasy barysynda til tıgizip, balaǵattaǵan «Rossııa segodnıa» halyqaralyq aqparat agenttiginiń tilshisinen keshirim surady.
«Juma kúni Dýmada BAQ ókilderiniń suraqtaryna jaýap berý kezinde, bir qyzdyń qoıǵan suraǵyna óreskeldeý jaýap qaıtardym, – dedi V.Jırınovskıı. – Alǵashynda ony baıqamadym, sóıtsem, onyń aıaǵy aýyr eken. Men odan, sondaı-aq ózim renjitken adamdardyń barlyǵynan keshirim suraımyn». LDPR jetekshisi 18 sáýir kúni Memdýmanyń ǵımaratynda jýrnalıster aldyna shyǵyp, olardyń suraqtaryna jaýap qaıtarý kezinde, aldymen «Rossııa segodnıa» agenttiginiń tilshisine, odan keıin áriptesine bolysqan «Interfaks» agenttiginiń jýrnalısine dóreki sózder aıtqan edi. Osyǵan baılanysty parlamenttik jýrnalıster Memdýma spıkeri S.Naryshkınge Jırınovskııdiń áreketine baǵa berý jóninde úndeý joldaǵan bolatyn.
Basshysynan osylaı «kek» aldy
Chıý Sıan esimdi qytaılyq óziniń burynǵy jumys berýshisi Hýn Bınge sary jáne qara tústi 1130 tiri úırek balapanyn jibergen. Jergilikti basylymdardyń jazýynsha, onyń bul áreketi burynǵy basshysynyń onyń oryndaǵan jumysyna tıesili aqysyn bermegendigine kórsetken qarsylyǵy bolsa kerek.
Balapandardy jóneltpes buryn Chıý Sıan burynǵy basshysynyń kompanııasymen habarlasyp, óziniń esebinen tiri balapandardy jetkizip berýdi ótinipti. Biraq, ol ákelingen balapandar úshin esep aıyrysýdan bas tartqan. Polısııa shaqyrtýǵa týra kelgen. Quqyq qorǵaý organdarynyń ókilderimen áńgimeleskennen soń, Sıan balapandardy jetkizýge ketken shyǵyn aqysyn ǵana tólepti. Al Sıan óziniń osy áreketin májbúrlilik qadam dep túsindirgen.
Qysqa qaıyryp aıtqanda:
Ogaıo shtatynda 70 jylǵa jýyq nekede turǵan erli-zaıyptylar bir táýlikte, ıaǵnı shamamen 15 saǵattaı ýaqyt aralyǵynda ómirden ozdy. 91 jáne 92 jastaǵy Helen men Kennet Felýmlılerdiń jaryq dúnıeden ótýine qarttyq sebep bolǵan.
Uzaq jyldan beri Avstrııa quqyq qorǵaý organdarynyń izdestirýinde júrgen kúdikti Zalsbýrg qalasyndaǵy polısııa bólimshesine kelgen kezinde qolǵa tústi. 59 jastaǵy ol polısııa bólimshesine óziniń tergeýde júrgen-júrmegendigin bilý úshin bassuqsa kerek.
Belgorodtaǵy «Zapadnyı» bankiniń bólimshesin basyp alǵan qarýly adam onyń salymdaryn tóleýge kepildik berilgen soń, óz erkimen berildi. Osy bankte onyń 23 mıllıon rýbldi quraıtyn vekseli bar eken. Ol atalǵan bank lısenzııasynyń keri shaqyrtyp alynatynyn kúni buryn bilgen kórinedi.
Ońtústik Sýdandaǵy BUU bazasyna qarýly adamdardyń shabýyl jasaýy saldarynan 48 adam qurban bolyp, 60-tan astam adam zardap shekti. BUU janyndaǵy AQSh-tyń turaqty ókili muny «qarýsyz adamdarǵa jasalǵan jaýyzdyq» dep atady.
Internet materıaldary negizinde ázirlendi.
