Bekbol Orynbasarov ál-Farabı atyndaǵy Qazaq memlekettik ulttyq ýnıversıtetin «Saıası ekonomııa jáne qoǵamtaný oqytýshysy» mamandyǵy boıynsha, Sh.Esenov atyndaǵy Aqtaý ýnıversıtetin ekonomıst mamandyǵy boıynsha támámdaǵan.
Ol, sondaı-aq, E. Bóketov atyndaǵy Qaraǵandy memlekettik ýnıversıtetiniń magıstratýrasyn oqyǵan.
B. Orynbasarov óz eńbek jolyn 1993 jyly Fort-Shevchenkoda Mańǵystaý oblystyq keden basqarmasynyń «Baýtıno» keden beketiniń ınspektory laýazymynan bastaǵan.
1996 jyldan 1998 jylǵa deıin bank jáne qarjy sektorynda qyzmet etti.
1999 jyly Aqtaý qalalyq ákimshiliginiń múlikpen basqarý bóliminiń bas mamany bolyp jumys istegen.
2005 jylǵa deıin Aqtaý ákimdiginde túrli laýazymdardy atqardy.
Keıin Aqtaý ákiminiń orynbasary bolyp taǵaıyndaldy.
2006 jyly ekonomıka jáne bıýdjettik josparlaý mınıstrligi ishki ákimshilik departamentiniń býhgalterlik esep jáne kadr jumysy, aqparattyq tehnologııalar jáne uıymdastyrý tehnıkalyq qamtamasyz etý basqarmasynyń bastyǵy boldy, onda ol 2019 jylǵa deıin jumys istedi.
2019 jyldan bastap 2021 jyldyń naýryzyna deıin «Aqtaý teńiz porty» arnaıy ekonomıkalyq aımaǵy» AQ basqarma tóraǵasy bolǵan.
2021 jyldyń naýryz aıynan bastap, búgingi kúnge deıin - Mańǵystaý oblysy ákiminiń orynbasary laýazymynda boldy.
