«Qazaqstanda veıpterdi satýǵa jáne paıdalanýǵa tyıym salynatyn túzetýler engizý týraly sheshim qabyldadyq. Temeki qospasy, suıyqtyǵy, gazy – osylardyń bárin Qazaqstanda satýǵa jáne paıdalanýǵa tolyq tyıym salynady», dedi ol.
Osyǵan baılanysty Halyq densaýlyǵy jáne densaýlyq saqtaý júıesi týraly Kodekske Qazaqstanda veıpterdi satýǵa jáne paıdalanýǵa tyıym salatyn túzetýler engiziledi.
«Barlyq hosh ıisti temeki buıymdaryn Qazaqstanda satýǵa jáne tutynýǵa tolyq tyıym salynady. Sondyqtan bul uǵymdar Salyq kodeksinen alynyp tastalady», dedi májilismen.
Sonymen qatar Jamalovtyń atap ótýinshe, qazir Qazaqstanda qyzdyrylǵan temekige (Aıkos jáne Glo) eshqandaı salyq salynbaıdy.
Alaıda onyń denege áseri Dúnıejúzilik densaýlyq saqtaý uıymynyń tujyrymdary boıynsha nıkotın mólsheri jáne basqa parametrleri jaǵynan ádettegi temekiden kem emes.
«Búgin depýtattar bul ónimderdi aksızdermen jabý týraly sheshim qabyldady. Olarǵa kádimgi temeki aksızderiniń 70%-y mólsherindegideı aksızder engizý týraly sheshim qabyldandy», dep naqtylady májilismen.
Arýjan Amangeldi
