Almatyda balmuzdaq shyǵaratyn zaýyttyń bes jumysshysy ammıaktan ýlanǵan. Aldyn ala qorytyndy boıynsha, muzdatqysh ballonnyń artqy jaǵyndaǵy rezeńke tyǵyzdaǵyshtyń zaýyttyq aqaýy saldarynan 500 gramm zııandy zat aǵyp ketken. Aýysym kezinde óndirilgen ónimder satylymnan alyndy.
Ýlanǵan qyzmetkerler dereý aýrýhanaǵa jetkizilgen. Dárigerler 26, 46 jáne 38 jastaǵy úsh naýqastyń hálin aýyr dep baǵalap otyr. Olar jansaqtaý bóliminde jatyr.
«Naýqastyń bireýi jaǵdaıy turaqty bolýyna baılanysty stasıonarlyq emnen bas tartty. Qazir úsh naýqas jansaqtaý bóliminde em alyp jatyr. Jaǵdaılary turaqty aýyr», dedi Almaty qalasy jedel kómek kórsetý aýrýhanasynyń bólim meńgerýshisi Baýyrjan Omarov.
